InicioSociedadePallasos, magos e contacontos para entreter e sacar sorrisos aos nenos ingrresados...

Pallasos, magos e contacontos para entreter e sacar sorrisos aos nenos ingrresados no Cunqueiro

PUBLICADO O

- Advertisement -

Pallasos, magos, músicos, animadores e contacontos dinamizarán estancias ambulatorias e ingresos de pacientes da área de Pediatría do Hospital Álvaro Cunqueiro de Vigo.

Segundo trasladou a xerencia da área Sanitaria olívica nun comunicado, esta actuación será posible grazas a un acordo asinado coa asociación Galiclown-Pallasos de Hospital, cuxos voluntarios xa traballaron no hospital en ocasións anteriores.

En concreto, as persoas que prestarán este servizo serán voluntarios formados na dinamización de estancias hospitalarias e na relación con pacientes ingresados. A asociación conta con 25 voluntarios que se repartirán as actuacións, cuxos horarios e ámbitos reflíctense no acordo asinado.

Aínda que este proxecto céntrase no aspecto lúdico en zonas do hospital relacionadas con Pediatría, barállase unha posible ampliación do servizo a outros espazos e áreas hospitalarias.

Este acordo enmárcase nas iniciativas de humanización que leva a cabo a área Sanitaria de Vigo en distintos centros. Así, o Plan Estratéxico deste distrito do Sergas busca “humanizar” o coidado ao paciente con iniciativas como a dotación e decoración de espazos de Pediatría, así como a través do desenvolvemento de actividades neste ámbito sanitario.

ÚLTIMAS

Axentes e funcionarios denuncian as condicións “extremas” de calor na Comisaría de Vigo

Medio centenar de axentes e funcionarios da Comisaría de Vigo-Redondela, convocados polos sindicatos policiais...

Detido en Vigo por unha agresión á súa parella

Axentes da Policía Local de Vigo detiveron a un home de 47 anos de...

Confirmados 4 anos de cárcere para un home que extorsionou a unha muller

O Tribunal Superior de Xustiza de Galicia (TSXG) confirmou a sentenza da sección quinta...

OPINIÓN.- Riscos ambientais e patrimonio local na Barroca de Navia

As ondas de calor soportadas no mes de xuño mostran con claridade a anomalía...