InicioSociedadeO saneamento da parroquia de Teis levará un investimento dun millón de...

O saneamento da parroquia de Teis levará un investimento dun millón de euros

A conselleira de Infraestruturas sinalou que esta intervención debera ser municipal, mais ao veren o estado do saneamento nesta parte de Vigo, decidiron intervir.

PUBLICADO O

A conselleira de Infraestruturas e Mobilidade, Ethel Vázquez, mantivo este mércores unha reunión con representantes da Asociación de Veciños da parroquia viguesa de Teis, aos que lles trasladou que a Xunta está a ultimar a redacción do proxecto de mellora do saneamento neste barrio co fin de contratar o próximo ano estas obras, que suporán un investimento dun millón de euros.

Así, nun encontro no que tamén estivo presente a delegada territorial da Xunta en Vigo, Corina Porro, Vázquez subliñou que nos Orzamentos do Goberno galego de 2020 xa se reserva unha partida de 250.000 euros para avanzar neste proxecto hidráulico.

Segundo a titular de Infraestruturas, o sistema de saneamento de Teis, conformado por unha rede de colectores e varios bombeos que finalizan na depuradora, presenta “deficiencias”. Nese sentido, un estudo previo detectou problemas de infiltracións, que provocan “unha sobrecarga continua na rede”.

A pesar de ser unha competencia municipal, xa que o abastecemento, o saneamento e a depuración son competencia exclusiva municipal, quixémonos implicar ao ver, nun estudo previo que se fixo en Augas de Galicia, esas deficiencias importantísimas como consecuencia de grandes infiltracións de augas de río e augas brancas na rede de colectores”, explicou a conselleira en declaracións aos medios.

DÚAS ZONAS

Por todo iso, a Xunta centrará a súa acción en dúas zonas específicas. Unha delas será na baixada a ríos, onde actualmente hai rede separativa pero na que se filtra auga do río Paraixal, polo que se construirá unha nova rede de pluviais e mellorarase a rede de fecais.

A segunda zona correspóndese co colector do río Paraixal, construído en paralelo ao leito do río e, en ocasións, baixo o mesmo. Debido ás infiltracións, é necesario un novo colector, de material plástico, para reducilas.

Pola súa banda, na reunión os veciños de Teis solicitaron a Vázquez a reforma “integral” da Avenida de Galicia, de titularidade autonómica, para “reforzar a seguridade viaria”. Así, lembraron nun comunicado que nesta vía a Xunta xa realizou unha primeira fase na avenida de Vigo en Chapela, no ano 2017, “pero quedou pendente a actuación no barrio de Teis”.

ÚLTIMAS

Rueda reivindica a Arribada de Baiona para a desestacionalización do turismo en Galicia

O presidente da Xunta en funcións, Alfonso Rueda, destacou este venres a importancia de...

Miguel Martín asume a portavocía do grupo municipal do PP en Vigo, tras a saída de Fernández-Tapias

O grupo municipal do PP no Concello de Vigo designou a Miguel Martín como...

Máis de 30 marcas de coches reuniranse na 33ª edición do Salón do Automóbil, que arrinca o mércores

Máis de 30 marcas de coches e 15 de motocicletas reuniranse na 33ª edición...

Decretado o ingreso en prisión do home detido pola súa suposta vinculación co crime da maleta

O maxistrado do xulgado de instrución número 4 de Vigo acordou este venres o...