Vigo acollerá a partir do próximo venres, 18 de outubro, e ata o domingo 20, un mercadillo solidario en beneficio do grupo de Oncoloxía Médica Traslacional do Instituto de Investigación Sanitaria de Santiago de Compostela (IDIS), Oncomet.

Así, a Andrómena do Porto reunirá unha zona ‘market’ de moda, complementos, decoración e libros, que contará con música en directo e postos gastronómicos. Desde as 12,00 horas os visitantes poderán acceder á zona, situada detrás da Praza da Estrela, que estará repartida en tres áreas.

Na primeira estarán situados os postos de roupa, complementos e o resto de oferta comercial, toda ela con fins benéficos. A segunda estará dedicada á gastronomía, mentres que a terceira das partes do mercadillo, que ocupa un total de 900 metros cadrados, instalarase a barra de bebidas e un escenario para as actuacións de música. Tamén haberá un espazo infantil e actividades de lecer para os máis pequenos.