InicioSociedadeA UVigo será a primeira universidade española autorizada para voar drones en...

A UVigo será a primeira universidade española autorizada para voar drones en espazo aéreo controlado

Ata agora os drones da UVigo non podían voar sobre as praias da cidade, sobre a ría ou sobre o termo municipal de Mos, pero co certificado da AESA poderanse solicitar voos nestas zonas, e mesmo no espazo aéreo controlado doutros aeroportos.

PUBLICADO O

- Advertisement -

A Universidade de Vigo recibiu autorización da Axencia Estatal de Seguridade Aérea, AESA, para realizar voos con drones en espazo aéreo controlado, de modo que se converteu na primeira universidade española con este certificado (que ata agora só tiñan 8 empresas privadas).

Esta autorización permitirá que a Unidade de Detección Remota do CACTI (Centro de Apoio Científico e Tecnolóxico á Investigación) da Universidade poida voar aeronaves non tripuladas de ata 25 quilos, dentro dun radio de 8 quilómetros dun aeroporto, pero sempre fose da contorna aeroportuaria.

Ramiro Álvarez, técnico responsable desta Unidade, explicou que se poderán realizar voos “para actividades profesionais de investigación e desenvolvemento, fotografía e levantamentos aéreos, como topográficos ou fotogrametría”.

Ata agora, por exemplo, os drones da UVigo non podían voar sobre as praias da cidade, sobre a ría ou sobre o termo municipal de Mos, pero co certificado da AESA poderanse solicitar voos nestas zonas, e mesmo no espazo aéreo controlado doutros aeroportos.

O feito de ser a única universidade española con este permiso supón “unha vantaxe á hora de realizar proxectos en lugares” nos que outras institucións académicas non poden, segundo Ramiro Álvarez.

A Unidade de Detección Remota xa recibiu a primeira solicitude para un deses voos. Trátase dunha empresa interesada en contratar ao CACTI para facer un voo fotogramétrico sobre unha parcela moi próxima ao campus vigués.

Se o acordo coa empresa confírmase, a Universidade enviará ao aeroporto de Peinador a autorización da AESA cun mínimo de 20 días de antelación e o propio Ramiro Álvarez, que conta co título de piloto de vehículos aéreos non tripulados e un curso de radiofonista, ‘pilotará’ ese voo.

ÚLTIMAS

“Vigo ten unha oportunidade”: Louzán abre a porta ao Mundial de 2030 e anuncia unha visita a Balaídos

O presidente da Real Federación Española de Fútbol (RFEF), Rafael Louzán, destacou este xoves...

Nova resposta da Xunta a Caballero polo Mundial de 2030: “Mantemos a mesma postura desde hai tempo”

O conselleiro de Presidencia, Xustiza e Deportes, Diego Calvo, insistiu en que a Xunta...

“Non pode ser que sufran un dano importante”: Caballero esixe compensacións xustas para aos afectados polo Ofimático

O alcalde de Vigo, Abel Caballero, volveu expresar este xoves o seu apoio aos...

“Que asinen mañá”: Caballero desafía a Rueda e á Deputación polo Mundial de Vigo

O alcalde de Vigo, Abel Caballero, insistiu este xoves en que nin a Xunta...