InicioMedio Ambiente e PatrimonioSanidade alerta: as analíticas no río Muíños en Nigrán seguen a ser...

Sanidade alerta: as analíticas no río Muíños en Nigrán seguen a ser desfavorables

Sanidade alertou de que o concello "continua incumprindo o requirimento que o 12 de agosto se realizou" para que "informase adecuadamente á poboación do risco sanitario", acoutando a zona.

PUBLICADO O

- Advertisement -

A Consellería de Sanidade informou de que os últimos resultados analíticos das mostras de auga tomadas esta semana polos farmacéuticos e inspectores de Saúde Pública da Administración galega no leito do río Muíños que discorre por Praia América, no municipio pontevedrés de Nigrán, continúan sendo desfavorables e confirman a contaminación fecal.

Con esta información, a Xunta reiterou ao Concello de Nigrán a necesidade de que “sinalice adecuadamente a zona” e “manteña a recomendación de non bañarse tanto no leito do río que discorre pola praia como na desembocadura”.

En base á normativa vixente, Sanidade alertou de que o concello “continua incumprindo o requirimento que o 12 de agosto se realizou” para que “informase adecuadamente á poboación do risco sanitario”, acoutando a zona.

A sinalización recomendada ao concello por parte da consellería desde o 12 de agosto debería estar instalada no acceso inmediato para o baño nos meandros do río, informando da afectación por escherichia coli.

“A sinalización que o concello ten situada no paseo da praia e nos seus accesos, lonxe da zona de baño do río e dificilmente visibles polos bañistas, unicamente prohibe o baño nunha zona da reserva natural, co obxectivo de protexer a flora e a fauna”, indica a Xunta.

Sanidade subliñou que a contaminación do río Muíños “non é un feito illado, se non recorrente”. Na tempada de baño do ano 2017, explica a Administración galega, “tense constancia dun episodio semellante” e na tempada actual o primeiro resultado desfavorable data do 9 de agosto.

ÚLTIMAS

“O sábado foi un día histórico en Vigo”, di Caballero

O alcalde de Vigo, Abel Caballero, asegurou este luns que a ocupación hoteleira na...

Abanca estrea as súas novas instalacións corporativas en Vigo cun investimento que supera os 25 millóns de euros

Abanca estreou este luns, 16 de novembro, as súas novas instalacións corporativas en Vigo,...

O Nadal de Vigo publicitarase en Londres, París, Nova York e Lisboa

O Concello de Vigo despregou a súa habitual campaña publicitaria a través de mupis...

Protestan ante o Concello de Vigo para pedir alternativas habitacións para persoas sen fogar que estaban na Acampada

Decenas de persoas protestaron na mañá deste luns ante as portas do Concello de...