InicioSociedadePolémica polo espido dun actor e presentador brasileiro en Cíes censurado en...

Polémica polo espido dun actor e presentador brasileiro en Cíes censurado en Instagram

PUBLICADO O

Paulinho Vilhena é un famoso presentador e actor brasileiro, recoñecido con varios premios no seu país. Agora, a súa fama medra máis por un espido nunha praia de Galcia que publicou en Instagram e a censura que aplicaron os administradores desta rede social da que é propietaria Facebook.

O balbordo e a polémica en Brasil saltou aos medios de información, que dan conta do acontecido. Segundo a prensa daquel país, o célebre actor e presentador atópase en Galicia, onde “em um momento de plena liberdade”, decidiu publicar un vídeo no que aparece completamente espido nunha praia facendo unha acrobacia coñecida como ‘estrelinha’ na area. Os medios sitúan a acción o pasado 25 de xuño, e salientan que foi un dos temas mencionados no programa ‘Encontro com Fátima Bernardes’, da TV Globo, o día 26.

Instagram bloqueou o vídeo alegando que incumpría as normas desta comunidade. Tras esta censura, o propio protagonista pronunciouse: “O Instagram retirou o tal vídeo de bumbum de fora… Respeitando as regras da comunidade instagramers”.

Vilhena aproveitou para publicar unha nova fotografía sem camisa nas illas Cíes e preguntou: “Essa pode pessoal?? Peço desculpas se alguém se ofendeu ou se causei algum mal. Viva a LIBERDADE!!!! Viva a Galicia!!! #meubumbuminhasregras”.

 

Naquel vídeo espido, Vilheda escribira como comentario: “A Galícia me mostrou muita coisa, já acreditava na maioria delas… Amizade, preservação, amor… E ainda me deu a liberdade, liberdade verdadeira de estar em meio à natureza e poder verdadeiramente usufruir disso com respeito e compartilhando disso com a cultura local. Viva a Galícia! Que delícia!”.

En apenas dúas horas, o vídeo acumulara case 400 mil visualizacións.

Fonte: Galicia Confidencial.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...