InicioSociedadeXulgada por apropiarse de 21.200 euros gardados nun neceser do home ao...

Xulgada por apropiarse de 21.200 euros gardados nun neceser do home ao que coidaba en Vigo

O prexudicado tiña as capacidades mermadas e non se decatou de que cambiara os billetes por fotocopias.

PUBLICADO O

A Fiscalía pide 3 anos de cárcere para unha muller acusada de apropiarse de máis de 21.000 euros do home ao que coidaba na súa vivenda de Vigo, e que será xulgada o martes na sección quinta da Audiencia Provincial de Pontevedra, con sede na cidade olívica.

Segundo o escrito de acusación pública, M.C.G.B. coidaba a un home no seu piso de Vigo e, desde unha data non determinada de 2013, gardáballe un neceser con diñeiro. Tratábase dun neceser no que este home metía cada mes entre 2.000 e 4.000 euros que o seu fillo lle daba, procedente de rendas e negocios que lle xestionaba.

A muller era a encargada de gardar ese neceser nun caixón baixo chave pero, aproveitando que dispuña desa chave, foi retirando diñeiro aos poucos, ata facerse con 21.200 euros.

Co fin de disimular a súa actuación, M.C.G.B. substituía os billetes que ía retirando (de 100 e 500 euros) por fotocopias a cor. Ditas copias facíanse de maneira “basta”, pegando dúas impresións entre si, para simular as dúas caras do billete, e eran copias de “escasa calidade” pero o prexudicado non se decataba do engano cando recontaba o diñeiro, xa que tiña as capacidades mermadas.

MÁIS DE 40 BILLETES FOTOCOPIADOS

O 26 de outubro de 2015, o fillo do home (que xa tiña sospeitas de que a acusada se podería estar a quedar con parte do diñeiro que lle gardaba ao seu pai), presentouse no domicilio dela e pediulle que lle entregase o neceser para comprobar o seu contido.

Así, certificou que, dos 54.100 euros que debía de haber, faltaban 21.200 euros, que foran substituídos por fotocopias, intercaladas entre os billetes lexítimos. No neceser había 42 billetes fraudulentos de 500 euros e dous billetes fotocopiados de 100 euros.

Por estes feitos, a Fiscalía pide para a acusada 3 anos de prisión, e que indemnice en 21.200 euros ao prexudicado.

ÚLTIMAS

Vigo, epicentro da fabricación das narcolanchas

As Forzas e Corpos de Seguridade do Estado aumentaron nos últimos días a presión policial...

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...