A Xunta solicitará este venres ao Concello de Vigo a cesión dos terreos necesarios para abordar a planificación dun novo instituto no barrio de Navia. Así llo trasladou a conselleira de Educación, Universidade e Formación Profesional, Carmen Pomar, á candidata do PP á Alcaldía de Vigo, Elena Muñoz, nunha reunión celebrada este xoves en San Caetano, segundo recolleu o partido nun comunicado.
Muñoz asegurou que o compromiso da Xunta con esta infraestrutura é “firme”, aínda que se deberán darse todas as garantías urbanísticas para que leve a cabo.
Así mesmo, instou ao alcalde, Abel Caballero, a aprobar o Plan Parcial de San Paio de Navia, do que, segundo apuntou, depende “a construción de miles de vivendas”, cuxa importancia destacou debido ao feito de que a cidade carece de Plan Xeral de Ordenación Municipal (PXOM).
Ademais, rexeitou a apertura dunha sala de apostas prevista na rúa Teixugueiras do barrio e comprometeuse a presentar as alegacións precisas para que non se lle outorgue a licenza de actividade.