A comunidade educativa do Centro de Educación Infantil e Primaria Chans Bembrive de Vigo concentrouse este mércores no exterior do colexio como medida de protesta para esixir a renovación dos teitos do centro, afectados por amianto. Así, familias e alumnos acudiron á concentración vestidos de negro, para simbolizar o ‘loito’, e con máscaras, co fin de protestar polas “penosas condicións” na que se atopan as cubertas de fibrocemento. A comunidade educativa esixiu á Xunta de Galicia que se comprometa “de maneira firme” a executar as obras de cambio dos teitos en canto finalice o actual curso académico.