O Tribunal Superior de Xustiza de Galicia (TSXG) inadmitiu o recurso de casación interposto pola Comunidade de Montes Veciñais en Man Común de Cabral, en Vigo, declarando firme unha sentenza que rexeitada a demanda dos devanditos comuneiros de facerse coa titularidade dunha parcela.

En concreto, o fallo previo foi emitido pola sección sexta da Audiencia Provincial de Pontevedra o pasado mes de xullo, tras recorrerse a desestimación da demanda por parte do Xulgado de primeira instancia número 2 de Vigo. A Audiencia considerou que os comuneiros ofreceran “unha realidade alternativa” na súa apelación, sen rebater o seu contido.

O caso, segundo explica nun comunicado a Plataforma Galega de Afectados por Comunidades de Montes, volve cuestionar a validez do plano de 1891 na que a Comunidade e Montes basea “habitualmente” as súas reclamacións, apuntando a sentenza da Audiencia que son “francamente dubidosos, ata o punto en que de ningún xeito acreditan que a leira se atope situada dentro do perímetro do monte comunal“. Ademais, no terreo na actualidade atópase unha vivenda que, segundo a sentenza, está en chan urbanizable, “o que descarta a súa cualificación como monte veciñal”.