InicioVigo e contornaVigoO Concello de Vigo asume os custos pola perda de axudas ao...

O Concello de Vigo asume os custos pola perda de axudas ao bus urbano

"Imos esperar uns días por se o Goberno saca un novo decreto. Mentres tanto, o Concello asumirá os custos", indicaron fontes municipais.

PUBLICADO O

- Advertisement -

O Concello de Vigo asumirá os custos da perda de axudas ao transporte urbano por parte do Ministerio de Transportes e Mobilidade Sustentable, unhas axudas que decaen desde este xoves despois da derrogación, no Congreso, do decreto que as incluía.

Fontes municipais sinalaron que os servizos xurídicos municipais “están a estudar a situación”. “Imos esperar uns días por se o Goberno saca un novo decreto. Mentres tanto, o Concello asumirá os custos”, indicaron.

Así mesmo, as mesmas fontes sinalan que se a perda desas axudas fose definitiva, tomaranse “as decisións que correspondan”.

A principios deste ano, o goberno municipal daba a coñecer as novas tarifas do bus urbano (á espera de que sexan ratificadas pola Comisión de Prezos da Xunta para a súa aplicación), un servizo que presta a concesionaria Vitrasa. Así, o billete ordinario pasará de 1,57 a 1,63 euros, unha subida de 6 céntimos; aínda que a gran maioría de viaxeiros son usuarios do cartón PassVigo, e teñen prezos bonificados.

O billete ordinario subvencionado pasará de custar 0,53 a 0,56 euros; os estudantes con cartón PassVigo pasarán de pagar 0,51 a 0,54; e o billete bonificado para universitarios pasará de custar 0,39 a 0,42 euros. Os pensionistas tipo I e II seguirán viaxando gratis no bus, do mesmo xeito que as persoas con mobilidade reducida e os seus acompañantes.

Está por ver se a falta das axudas do Ministerio tradúcese nun incremento desas tarifas, ou se o Concello adopta algunha medida alternativa.

ÚLTIMAS

Caballero di agora que “pide que o Goberno de España pague” parte das obras necesarias para ser sede do Mundial

O alcalde de Vigo, Abel Caballero, dixo este mércores que el "pide que o...

“Non permitiremos un réxime do medo”, sindicatos e movementos sociais condenan o ataque á sede de UGT de Vigo

Sindicatos, movementos sociais e partidos políticos de esquerda volveron condenar este mércores o ataque...

O cidadán “exemplar” de Vigo: entrega á Policía 400 euros que atopou no caixeiro

Un cidadán entregou á Policía Nacional 400 euros que atopara na rañura dun caixeiro...

O RC Celta de Vigo multado con 5.000 euros por vender alcol nos palcos VIP

A Comisión Permanente da Comisión Estatal contra a Violencia, o Racismo, a Xenofobia e...