O home que, en outubro de 2023, baleirou un extintor nun xulgado de Vigo e obrigou a desaloxar todas as instalacións da Cidade da Xustiza, enfróntase a unha pena de 2 anos de prisión e o pago dunha multa, como suposto autor dun delito de desordes públicas, ademais dun delito leve de lesións, porque atacou a outra persoa que lle denunciou e con quen tivera un xuízo.

Segundo recóllese no escrito de acusación da Fiscalía, os feitos, que serán xulgados este mércores na sala do Penal 1 da cidade olívica, ocorreron na mañá do 5 de outubro de 2023, cando este home tiña que acudir a un xuízo por un delito leve, no que tamén estaba a persoa que o denunciou. A vista foi suspendida e, ao saír da sala, o home colleu un extintor, retiroulle o precinto, e asperxeu na cara á persoa que o denunciou. Como consecuencia desta acción, toda a sala, mobiliario e equipamento, quedaron cubertos dun po branco.

Ademais, activouse a alarma contra incendios e as instalacións da Cidade da Xustiza de Vigo, e obrigou a suspender ou atrasar numeros vistas en salas de instrución, do Social e en dous xulgados do Penal. O procesado ten un trastorno orgánico de personalidade, con trazos obsesivos e paranoides, e unha síndrome frontal. Ese día, sufriu un episodio de alteración de conduta que puido minguar de maneira grave as súas capacidades volitivas.

A Fiscalía considera ao acusado autor dun delito de desordes públicas, en concurso cun delito de obstrución á xustiza, ademais dun delito leve de lesións; e pide que sexa condenado por iso a 2 anos de cárcere, e ao pago dunha multa de 4.320 euros. Igualmente, solicita a medida de liberdade vixiada durante 3 anos, a obrigación de someterse a tratamento médico ou controis periódicos, e a prohibición de achegarse ou comunicarse coa persoa á que atacou (a quen deberá indemnizar en 50 euros) por un tempo de 4 anos e tres meses.