InicioSociedadeA Audiencia confirma a pena de cárcere para catro falsos sanitarios que...

A Audiencia confirma a pena de cárcere para catro falsos sanitarios que drogaron e roubaron a dous anciáns durante a pandemia

O relato que contaron as vítimas aos policías o día do roubo (o ancián xa faleceu e a anciá durante o xuízo manifestou que non lembraba o sucedido, debido á súa avanzada idade) é que uns supostos sanitarios chamáronos días antes dicindo que ían ir á súa casa.

PUBLICADO O

- Advertisement -

A sección quinta da Audiencia Provincial de Pontevedra, con sede en Vigo, confirmou a pena de ata case nove anos de cárcere para catro falsos sanitarios que drogaron e roubaron a dous anciáns en Vigo durante o confinamento polo Covid-19. Así, o tribunal desestimou os recursos de apelación interpostos á sentenza ditada polo Xulgado do Penal número 3 de Vigo, confirmando esta resolución. No seu fallo, a Audiencia indica que é “moita casualidade” que as catro liñas móbiles dos acusados estivesen no momento dos feitos nas inmediacións da vivenda das vítimas, “máxime cando, naqueles momentos estaban activadas as medidas do confinamento”.

“Ademais, e iso xa o reiteraremos nos restantes recursos, que eles (os acusados) aluden a que, casualmente, nesas datas, desapareceulle o móbil (a un deles); ou o seu tío, que aludía a que non sabe como podía estar localizado o seu teléfono en Vigo, pois non saía de Marín, nin afirma que llo deixou a ninguén, expondo a hipótese de que puido haber un ladrón de teléfonos en serie”, engade a sentenza. Por todo iso, a Audiencia confirma o ditado polo Xulgado do Penal, que condenou a entre oito e nove anos de cárcere aos catro homes por roubo con violencia e lesións causadas aos anciáns.

FEITOS

O relato que contaron as vítimas aos policías o día do roubo (o ancián xa faleceu e a anciá durante o xuízo manifestou que non lembraba o sucedido, debido á súa avanzada idade) é que uns supostos sanitarios chamáronos días antes dicindo que ían ir á súa casa. A investigación confirmou que a chamada se realizou desde o móbil dun dos acusados. Na tarde do roubo, durante o confinamento, apareceron dous homes vestidos de branco e con máscara, que lles deron unha medicación e preguntáronlles onde gardaban o diñeiro. Unha veciña vería como unha terceira persoa estaría abaixo esperando.

ÚLTIMAS

Pleno de Vigo pide a Rueda o cesde de Diego Calvo e “apoio” para esixir á RFEF as puntuacións de sedes do mundial

O pleno de Vigo aprobou este luns, só cos votos a favor do PSOE e...

Covocado un paro en Aimen este martes para denunciar a súa perda de poder adquisitivo

O persoal do centro tecnolóxico Aimen, con sedes no Porriño (Pontevedra), anunciou a convocatoria dun...

Piden 11 anos de prisión para un home acusado de agresión sexual e de roubo con violencia

A sección quinta da Audiencia Provincial de Pontevedra, con sede en Vigo, celebrará o...

Abel Caballero asegura que o Goberno cumpre “os prazos” e o AVE Vigo-Madrid “avanza a toda velocidade”

Segundo o rexedor olívico, esta mesma semana a Avogacía do Estado emitiu o informe...