InicioSociedadeVigo, centro mundial da investigación e experimentación en criptografía desde este luns

Vigo, centro mundial da investigación e experimentación en criptografía desde este luns

Participan máis de 300 expertos internacionais no ámbito da investigación e experimentación en criptografía.

PUBLICADO O

- Advertisement -

A sede de Afundación en Vigo acolleu este luns a apertura da 14th International Conference on Quantum Cryptography, QCrypt, un evento organizado pola Universidade de Vigo e o Centro de Supercomputación de Galicia (Cesga), que por primeira vez celébrase en España, e no que participan máis de 300 expertos internacionais no ámbito da investigación e experimentación en criptografía.

O encontro foi inaugurado polo reitor da institución académica viguesa, Manuel Reigosa, e polos profesores Marcos Curty (catedrático da Escola de Enxeñaría en Telecomunicacións) e Davide Rusca (en representación do comité organizador). Os tres amosaron a súa “enorme satisfacción” por acoller esta conferencia que, noutras edicións, celebrouse en países como Francia, Reino Unido, Estados Unidos, Xapón, Holanda, Suíza ou Singapur.

Segundo destacaron, na UVigo faise investigación de excelencia no ámbito da criptografía e tecnoloxías cuánticas de comunicación, a través do Vigo Quantum Communication Center. Na primeira xornada deste encontro impartiranse varias charlas, unha delas a cargo do profesor Hoi-Kwong, da Universidade de Toronto (Canadá), premiado polos seus logros en fotónica aplicada e electrónica cuántica.

A 14th International Conference on Quantum Cryptography prolongarase ata o 6 de setembro e, nos próximos días, ademais dunha visita ás instalacións do Vigo Quantum Communication Center, celebrarase unha ‘sesión industrial’ (o xoves) a cargo dun representante de Telefónica, na que tamén participarán as principais empresas do sector a nivel internacional.

No programa inclúese unha charla aberta co prestixioso físico Antonio Acín, un dos principais expertos españois en comunicacións cuánticas. Trátase dunha actividade divulgativa aberta ao público en xeral, que será impartida en inglés, co título ‘Ordenadores e criptografía cuántica: que ocorre cando os bits se volven cuánticos?’.

ÚLTIMAS

“O sábado foi un día histórico en Vigo”, di Caballero

O alcalde de Vigo, Abel Caballero, asegurou este luns que a ocupación hoteleira na...

Abanca estrea as súas novas instalacións corporativas en Vigo cun investimento que supera os 25 millóns de euros

Abanca estreou este luns, 16 de novembro, as súas novas instalacións corporativas en Vigo,...

O Nadal de Vigo publicitarase en Londres, París, Nova York e Lisboa

O Concello de Vigo despregou a súa habitual campaña publicitaria a través de mupis...

Protestan ante o Concello de Vigo para pedir alternativas habitacións para persoas sen fogar que estaban na Acampada

Decenas de persoas protestaron na mañá deste luns ante as portas do Concello de...