InicioSociedadeA Audiencia avala que sexa o xulgado de Violencia sobre a Muller...

A Audiencia avala que sexa o xulgado de Violencia sobre a Muller o que investigue o crime da maleta

O xulgado de instrución número 4 de Vigo inhibiuse en favor do xulgado especializado, ao entender que podería tratarse dun caso de violencia de xénero, xa que a vítima mantería unha relación sentimental co sospeitoso.

PUBLICADO O

- Advertisement -

A sección quinta da Audiencia Provincial de Pontevedra desestimou o recurso interposto por ‘O Chioleiro’ contra a decisión do xulgado de instrución 4 de inhibirse para que sexa o Xulgado de Violencia sobre a Muller de Vigo o que investigue o coñecido como crime da maleta.

O pasado 22 de febreiro, foi localizada unha maleta nunha leira na zona de Fragoso da cidade olívica, en cuxo interior se atopaba o cadáver dunha muller. Días máis tarde, foi detido en relación con este crime José Manuel D.X., coñecido como ‘O Chioleiro’ e con antecedentes por outros dous asasinatos. O xulgado de instrución número 4 de Vigo inhibiuse en favor do xulgado especializado, ao entender que podería tratarse dun caso de violencia de xénero, xa que a vítima mantería unha relación sentimental co sospeitoso.

Agora a Audiencia avalou esa decisión e subliña que o instrutor “razoa de forma concreta e detallada cales son as causas da decisión acordada, expondo de forma precisa os indicios que sustentan que a relación entre o procesado e a vítima tiña o compoñente esixido da afectividade“. Con todo, o tribunal provincial destaca tamén que o xuíz de instrución xa advertía de que, se houbese dúbidas sobre esa relación de parella, é preferible que sexan resoltas polo Xulgado de Violencia sobre a Muller, que pode valorar a aplicación da agravante de parentesco.

Igualmente, avisaba de que, se tras a valoración da proba se determinase que non había relación de parella, iso “nunca podería fornecer efecto negativo algún para o investigado, pois baixo tal premisa xa non se aplicaría a circunstancia mixta con efectos agravatorios do artigo 23 do Código Penal, que en hipótese abstracta expón o Ministerio Fiscal como sustento para instar a inhibición”. Os maxistrados entenden que, por tanto, o procedente é a inhibición acordada, pois destacan que existen indicios que poderían sustentar a existencia desa relación de afectividade, algo que, neste momento procesual, non se pode descartar. O auto é firme, pois contra el non cabe presentar recurso.

ÚLTIMAS

Desconvocada a folga de persoal de ambulancias na área de Vigo

O persoal de ambulancias da 061 da área Vigo decidiu desconvocar a folga indefinida...

Encontro de amizade e cooperación entre Vigo e México

O alcalde de Vigo, Abel Caballero, reuniuse este venres co embaixador de México en...

As cidades deportivas do Celta son elixidas como subsedes do Mundial 2030, pero Balaídos non será unha das sedes

A Real Federación Española de Fútbol (RFEF) anunciou que o coruñés estadio Abanca Riazor será unha...

Cine Fraga, “o inicio da recuperación dun emblema cultural” de Vigo

O conselleiro delegado de Abanca, Francisco Botas; o presidente da Xunta, Alfonso Rueda, e...