O Parque Nacional marítimo-terrestre dás Illas Atlánticas de Galicia oferta este verán un total de 350 rutas guiadas con aproximadamente 4.000 prazas para coñecer a natureza e a historia das illas que conforman este espazo natural. Segundo informou a Xunta, todas as rutas faise en grupos reducidos co obxectivo de poder ofrecer unha experiencia da máxima calidade.

No caso de Cíes e Ons, os interesados poderán apuntarse tanto de forma presencial nas casetas de información localizadas nas propias illas como a través da central de reservas para participar nas visitas con guía que se realizarán a diario ata o 15 de setembro. Estas rutas están programadas todos os xoves ás 12:00 horas durante os meses de xullo, agosto e setembro no caso de Cíes, e os venres á mesma hora no de Ons.

En canto ás rutas guiadas por Cortegada e Sálvora, que serán en grupos de 10 a 15 persoas, só hai opción de reservar a través da páxina web. En Cortegada ofrecen un total de sete visitas (30 de xuño; 14, 21 e 28 de xullo, e 1, 15 e 25 de agosto). Para Sálvora serán nove rutas (11, 23 e 24 de xullo; 3, 7, 20, 21 e 29 de agosto, e 5 de setembro).

A solicitude mediante a central de reservas das visitas a Sálvora e Cortegada deberá realizarse, cunha antelación máxima de 25 días e ata catro días antes da realización da ruta.
Para Cíes e Ons, poderá facerse cunha antelación máxima de 15 días e ata 24 horas antes da realización da ruta para reservas en liña, ou no mesmo día en caso de facelo de forma presencial nas casetas de información.