A Consellería de Vivenda e Planificación de Infraestruturas abriu as propostas económicas para a construción de 59 vivendas de promoción pública no barrio vigués de San Paio de Navia, licitadas por un total de 11,3 millóns de euros. Nun comunicado, a Xunta asegurou que avanza así na tramitación dos contratos para crear 259 vivendas no polígono 1 da ampliación de Navia.

Con tal motivo, a mesa de contratación reuniuse para a apertura das propostas económicas presentadas polas empresas que se ofertaron para a construción de 18 e 41 pisos, respectivamente. A primeira promoción foi licitada por case 3,5 millóns, mentres que a segunda por algo máis de 7,8 millóns.