A Axencia de Doazón de Órganos e Sangue (ADOS) e a Real Federación Galega de Fútbol volverán desenvolver unha iniciativa conxunta ao longo da presente xornada. A mesma consistirá no desprazamento dunha unidade móbil de doazón de sangue ata as proximidades das oficinas da Federación en Vigo, na rúa Manuel de Castro.
Para fomentar a participación, ADOS agasallará a todas as persoas que doen cunha camiseta e, pola súa banda, a Real Federación Galega de Fútbol obsequiará a todos os doantes cunha entrada para presenciar o encontro que a selección galega absoluta masculina disputará o venres 31 de maio, no estadio de Balaídos, fronte á selección de Panamá. O horario de atención aos doantes na unidade móbil da Axencia será das 15.30 ás 21.00 horas de hoxe, segundo explican nun comunicado.
