InicioSociedadeVigo supera de novo os 300.000 habitantes, "de longo a maior cidade...

Vigo supera de novo os 300.000 habitantes, “de longo a maior cidade de Galicia”

Isto supón que, por primeira vez desde que o INE ten esta estatística, a urbe olívica dispón de máis de 300.000 habitantes a 1 de xaneiro, aínda que ao longo doutros meses do ano alcanzou esta cifra en varias ocasións nos últimos exercicios.

PUBLICADO O

- Advertisement -

O alcalde de Vigo, Abel Caballero, anunciou que a cidade volveu a superar os 300.000 habitantes a 1 de xaneiro de 2024. Nun audio gravado e remitido aos medios de comunicación, o rexedor indicou que o Concello enviou este mércores ao Instituto Nacional de Estatística (INE) os datos oficiais do padrón a comezos deste ano, cando Vigo tiña 300.997 habitantes.

Isto supón que, por primeira vez desde que o INE ten esta estatística, a urbe olívica dispón de máis de 300.000 habitantes a 1 de xaneiro, aínda que ao longo doutros meses do ano alcanzou esta cifra en varias ocasións nos últimos exercicios. En concreto, a 1 de xaneiro de 2023 Vigo contaba con 293.652 persoas, algo máis que as 292.374 de 2022. Desde 2009 e ata 2012 a cidade tiña máis de 297.000 habitantes, baixando en 2013 a 296.479 e iniciando unha etapa de descenso. En 2024, logra colocarse nos 300.997 habitantes. “Isto é o que significa Vigo, de longo a maior cidade de Galicia e unha das máis grandes de España”, reivindicou o rexedor.

ÚLTIMAS

Un atuneiro dunha empresa viguesa, implicado nun naufraxio cun desaparecido nas Galápagos

O atuneiro 'Ría de Aldán', comprado o ano pasado pola viguesa Wofco, viuse implicado nun accidente...

Restablecen a circulación na ponte de Rande logo dun accidente múltiple que provocou retencións

A circulación na ponte de Rande quedou restablecida despois de algo máis dunha hora...

O AVE Vigo – Porto tardará 50 minutos, pero non se sabe cando estará operativo

Portugal prevé que a conexión en tren de Vigo ao Porto sexa de 50 minutos...

A Xunta intervirá Ambulancias del Atlántico con tres técnicos de Tragsa e xestionará a entrega de nóminas

Os sindicatos CIG, CC.OO. e USO informaron, nun comunicado conxunto, do achegamento de posturas...