A Fundación Provincial Banco de Alimentos de Vigo busca máis de 600 voluntarios na provincia de Pontevedra para poder desenvolver con éxito a súa acción Maio Solidario, organizada en supermercados Gadis de toda a provincia.

A pesar de que a campaña levará a cabo todo o mes de maio, Banco de Alimentos elixiu o primeiro fin de semana, o 3 e o 4, para reforzala coa presenza física da “marea azul”. Por iso, busca voluntarios que acudan aos establecementos. Así, a asociación lembrou que só é necesario dispor de catro horas eses días e anotarse na web ‘www.bancoalimentosvigo.org‘.

Haberá uns 300 voluntari@s mobilizados en Vigo; 75, en Pontevedra; 25, en Baiona; 25, en Mos; 25, en Ponteareas; 25, en Tui; 25, en Marín; 25, en Bueu; 25, en Cambados; 50, en Vilagarcía; e, 25, en Lalín.