InicioSociedadeAdxudicadas as obras da nova unidade de Hospitalización a Domicilio do Álvaro...

Adxudicadas as obras da nova unidade de Hospitalización a Domicilio do Álvaro Cunqueiro: canto custarán?

A pandemia obrigou a diferenciar os circuítos Covid-19 e non-covid, e especialmente nos servizos de urxencias. Por iso, foi necesario expandir o servizo de urxencias, ocupando espazos contiguos á unidade HADO do Hospital. En consecuencia, e de forma provisional, esa área tivo que ser situada na zona de Docencia.

PUBLICADO O

- Advertisement -

Xunta de Galicia publicou no Perfil do Contratante a adxudicación das obras da nova unidade de Hospitalización a Domicilio (HADO) do Hospital Álvaro Cunqueiro de Vigo, por un importe de 581.485 euros. A pandemia obrigou a diferenciar os circuítos Covid-19 e non-covid, e especialmente nos servizos de urxencias. Por iso, foi necesario expandir o servizo de urxencias, ocupando espazos contiguos á unidade HADO do Hospital. En consecuencia, e de forma provisional, esa área tivo que ser situada na zona de Docencia.

Segundo informou o Executivo galego, con estas obras, a unidade disporá dun espazo definitivo e ben dimensionado, deseñado para asumir o crecemento de persoal previsto no plan autonómico de HADO, ademais de estar previsto dotalo cun equipo de profesionais máis, integrado por un facultativo e persoal de enfermaría.

Na actualidade, o servizo conta con 15 efectivos (seis médicos, oito enfermeiros e un administrativo) que dan cobertura domiciliaria á poboación de todos os concellos da área sanitaria de Vigo. HADO presta asistencia a pacientes que, polas súas doenzas ou características, necesitarían un ingreso hospitalario pero prefiren permanecer no seu domicilio onde os profesionais sanitarios ofrecen os mesmo coidados e atencións que nun ingreso hospitalario. Así, o pasado ano, os profesionais desta unidade da área de Vigo atenderon a 866 pacientes nas súas casas.

ÚLTIMAS

Detido tras ser sorprendido roubando no interior de varios vehículos

A Policía Local de Vigo detivo nas últimas horas a un home de 40...

Axentes da Policía Nacional salvan a vida a unha muller que se desvaneceu na rúa en Vigo

A rápida intervención de dous axentes da Policía Nacional da Comisaría de Vigo permitiu...

Calor sufocante e frío extremo nas dependencias da Policía de Vigo

Os sindicatos JUPOL e CSIF denunciaron ante a Inspección de Traballo a situación que...

Vigo mantén “vixilancia máxima” nas súas zonas forestais para previr incendios

O Concello de Vigo mantén activa a "vixilancia máxima" en zonas forestais da cidade...