InicioSociedadeA CIG chama ás mulleres da área de Vigo a "tomar as...

A CIG chama ás mulleres da área de Vigo a “tomar as rúas” ao berro de ‘Stop precariedade. Traballo digno e igualdade’

Este ano, as reivindicacións porán tamén o foco na precariedade laboral que afecta as mulleres "como consecuencia da discriminación histórica" que padecen por parte do "sistema patriarcal".

PUBLICADO O

- Advertisement -

CIG presentou este luns en Vigo as mobilizacións convocadas en diferentes localidades da comarca con motivo do 8M, e chamou ás mulleres a “tomar as rúas” ao berro de ‘Stop precariedade. Traballo digno e igualdade’. A central nacionalista convocou 12 mobilizacións en Galicia para esa data e, na área viguesa, haberá manifestacións na cidade olívica (saída desde o cruzamento da Dobrada ás 11.30 horas), Cangas (ás 11.30 horas na Capela do Hospital) e A Guarda (Praza As de Copas, ás 11.30 horas), segundo explicou en rolda de prensa a secretaria comarcal de Mulleres de CIG-Vigo, Ester Mariño.

Este ano, as reivindicacións porán tamén o foco na precariedade laboral que afecta as mulleres “como consecuencia da discriminación histórica” que padecen por parte do “sistema patriarcal”. Segundo apuntou Ester Mariño, segundo o último informe sobre a situación sociolaboral das mulleres elaborado pola CIG, a tendencia de redución da fenda salarial dos últimos anos reverteuse e os datos de 2022 mostran un crecemento desa fenda con respecto a 2021. Así, as mulleres ingresaron de media 4.519 euros anuais menos que os homes, unha cantidade que cobra aínda máis importancia se se ten en conta que, con carácter xeral, a poboación feminina ten salarios máis baixos.

As diferenzas tamén afectan ao tipo de contratos, con menos contratos indefinidos para elas, e máis contratación a tempo parcial. Segundo a responsable de Muller de CIG Vigo, “esta precarización das condicións de traballo das mulleres ten que ver coas últimas reformas laborais” aplicadas mesmo por “gobernos que se din feministas”.

OUTRAS “DISCRIMINACIÓNS HISTÓRICAS”

A isto súmanse outras discriminacións “históricas” como o chamado ‘teito de cristal’, a segregación ocupacional, ou o uso dos dereitos de conciliación, que acaban tendo o seu reflexo nunha importante fenda nas pensións. Por todo isto, e ante “a frustración de ver como o auxe e a socialización do discurso feminista non tivo impacto directo na mellora das condicións de traballo e na vida das mulleres”, a CIG fixo un chamamento a saír á rúa o 8 de marzo. O sindicato subliñou a necesidade de reclamar o fin das desigualdades, a revalorización dos traballos de coidados, o fin da segregación, o fin da parcialidade ou as medidas para garantir o dereito de conciliación”.

ÚLTIMAS

O BNG lanza unha ofensiva para evitar a “estafa do PP” de pagar a Abanca 9,3 millóns polo Cine Fraga

O BNG lanzou unha ofensiva institucional para evitar a "estafa do PP" de pagar a Abanca...

Empregados de Benteler lamentan a “política de medo” dun superior que xera “problemas graves de saúde” a compañeiros

Traballadores da empresa auxilar do sector automobilístico Benteler criticaron a "política do medo" levada a cabo, ao...

Abel Caballero critica as palabras de José López sobre as Cíes: “Ou ten ignorancia absoluta sobre patrimonios mundiais ou mala fe”

O alcalde de Vigo, Abel Caballero, criticou este xoves as palabras do conselleiro de Cultura,...

En “breve” a Xunta, Zona Franca e Concello de Vigo asinarán o convenio para crear un parking na ETEA

A Xunta de Galicia, a Zona Franca de Vigo e o Concello asinarán "pronto"...