InicioSociedadeO Goberno traslada "tranquilidade" polo crime da maleta que, por agora, non...

O Goberno traslada “tranquilidade” polo crime da maleta que, por agora, non se considera violencia de xénero

O subdelegado do Goberno sinalou que este "é un asasinato que, presuntamente, foi cometido por unha persoa que xa estivo condenada por outros dous asasinatos", o primeiro deles foi o da súa avoa, en marzo de 1988; e o segundo o acuchillamento de Alicia Rey, unha veciña e amiga súa de Paradela de Xende, na Lama, no mes de decembro de 2004.

PUBLICADO O

O subdelegado do Goberno en Pontevedra, Abel Losada, trasladou este luns unha “mensaxe de tranquilidade” sobre o crime da muller cuxo cadáver apareceu en avanzado estado de descomposición no interior dunha maleta en Vigo. Por agora, o caso non se considera violencia de xénero.

É o Xulgado de Instrución número 4 da cidade olívica o que investiga o sucedido. Precisamente o pasado venres acordou o ingreso en prisión provisional, comunicada e sen fianza de José Manuel Durán González, alias ‘O Chioleiro’, como suposto autor. Abel Losada dirixiu, este luns, “unha mensaxe de confianza ao conxunto da sociedade” destacando que “se está solucionando e estase atacando este tema que lexitimamente intranquiliza”, dixo.

O subdelegado do Goberno sinalou que este “é un asasinato que, presuntamente, foi cometido por unha persoa que xa estivo condenada por outros dous asasinatos”, o primeiro deles foi o da súa avoa, en marzo de 1988. Antes diso, ‘O Chioleiro’ xa fora condenado por violala. O outro crime cometido por este individuo foi o acuchillamento de Alicia Rey, unha veciña e amiga súa de Paradela de Xende, na Lama, no mes de decembro de 2004.

Ademais, Abel Losada quixo “agradecer o magnífico traballo, neste caso do Corpo Nacional de Policía, na aparente resolución do crime”. O subdelegado estendeu este agradecemento “por suposto, á colaboración cidadá da contorna do barrio” no que se atopou o corpo da vítima. O testemuño destes veciños “dirixiu un pouco nos momentos iniciais, unha investigación atípica, en orixe”. Por agora, este caso non se trata como violencia de xénero, segundo comunicou o Tribunal Superior de Xustiza de Galicia (TSXG).

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...