InicioVal MiñorBaionaRueda reivindica a Arribada de Baiona para a desestacionalización do turismo en...

Rueda reivindica a Arribada de Baiona para a desestacionalización do turismo en Galicia

O presidente da Xunta en funcións felicitou tamén a Baiona pola súa "posición punteira como referente turístico en Galicia".

PUBLICADO O

O presidente da Xunta en funcións, Alfonso Rueda, destacou este venres a importancia de eventos como a Festa da Arribada de Baiona no aumento da desestacionalización do turismo en Galicia. “Festas como esta, de Interese Turístico Internacional, colócannos tamén no mapa en moitísimos sentidos para que a xente veña e coñeza estas marabillas todo o ano”, asegurou, tras o que se referiu a as cifras de 2023, que pechou “con importantes incrementos” tanto na tempada media como baixa, cun 6% e 12% máis con respecto ao 2022, respectivamente.

O titular do Executivo galego en funcións asistiu á celebración do 531 aniversario da chegada de Martín Alonso Pinzón ao mando da carabela Pinta ao porto baionés con noticias do Novo Mundo.

Unha cita que aproveitou para felicitar a Baiona pola súa “posición punteira como referente turístico en Galicia”. Neste sentido, destacou que a comunidade se situou como o primeiro destino do norte peninsular, con máis de sete millóns de viaxeiros aloxados en establecementos turísticos e cunha presenza internacional que “marcou niveis máximos”.

“Toda esa xente de moitas partes que nos visita, que nos goza, que nos está descubrindo ou redescubrindo en moitos casos, tamén é unha oportunidade que hai que aproveitar”, defendeu. Así mesmo, o presidente da Xunta destacou que a Festa da Arribada, que este ano cumpre a súa 28 edición, é unha “ocasión perfecta” para “rememorar o importante papel de España e Galicia en América, un continente moi vinculado cos galegos e galegas”.

Nesta liña, remarcou a transcendencia da Estratexia Retorna posta en marcha pola Xunta para “dicirlles a todos eses descendentes de galegos que teñen aquí na súa terra, a que nunca esqueceron, un lugar de novas oportunidades”, comentou.

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...