InicioSociedadeEntra en prisión Roberto Ballesteros, o ex alcalde pedáneo de Bembrive, condenado...

Entra en prisión Roberto Ballesteros, o ex alcalde pedáneo de Bembrive, condenado por malversación e prevaricación

Foi condenado a dous anos e dous meses de cárcere por prevaricación, falsidade e malversación.

PUBLICADO O

O ex alcalde pedáneo de Bembrive, en Vigo, ingresou na prisión da Lama nos últimos días, segundo confirmaron fontes xudiciais consultadas por Europa Press. O socialista Roberto Ballesteros foi condenado a dous anos e dous meses de cárcere por prevaricación, falsidade e malversación e, a finais de xaneiro, envióuselle un auto no que se lle requiría a súa entrada en prisión de forma voluntaria, baixo apercibimento de que, de non facelo, daríase traslado ás forzas e corpos de seguridade do Estado.

Xa en xuño de 2022 a sección quinta da Audiencia Provincial de Pontevedra, con sede en Vigo, ordenara o ingreso en prisión ao desestimar un recurso de súplica do condenado, e despois de varios intentos anteriores de evitar o cárcere. A entrada en prisión postergouse pero, unha vez esgotadas todas as vías de recurso, en xaneiro a Audiencia marcoulle un prazo para que se fixese efectiva a pena de cárcere.

Roberto Ballesteros foi condenado en maio de 2017 a 7 anos de inhabilitación por retirarlles, nunha decisión ilegal, as retribucións aos vogais do PP na Xunta Veciñal de Bembrive. Posteriormente, en abril de 2021, foi condenado por pagar unha obra que non se chegou a executar, polos delitos de falsidade documental, prevaricación e malversación; nese caso a sentenza foi de dous anos e dous meses de prisión, e 7 anos de inhabilitación (e tamén foi condenado un construtor como cooperador necesario).

En marzo de 2022, nunha terceira causa, Roberto Ballesteros aceptou 9 anos de inhabilitación por prevaricación administrativa, pola adxudicación de varias obras ‘a dedo’ por valor de case 800.000 euros, entre 2013 e 2016. Dáse a circunstancia de que o posterior alcalde pedáneo de Bembrive e sucesor de Ballesteros, o tamén socialista Marcos Castro, foi condenado a 12 anos de inhabilitación por un delito continuado de prevaricación, pola adxudicación irregular de varios contratos para a subministración de sidra destinada á Festa da Sidra desta parroquia, nos anos 2019 e 2020.

ÚLTIMAS

Segundo gran concerto de Castrelos 2024: Dani Fernández, o 13 de xullo

O músico español Dani Fernández actuará no auditorio de Castrelos de Vigo o sábado 13 de xullo. Nun audio...

O goberno de Vigo acusa a ecoloxistas de facer “política antivigo” por criticar a “política arboricida” do Concello

O goberno de Vigo acusou a veciños e ecoloxistas de facer "política antivigo" ao...

Dous detidos na desarticulación dun punto negro de venda de drogas en Navia

A Policía Nacional detivo este pasado xoves en Vigo a dous homes tras desarticular un punto negro...

Un camión guindastre choca contra o tendido eléctrico en Mos e provoca retencións e danos nunha vivenda

Un camión guindastre chocou na mañá deste venres contra o tendido eléctrico en Mos...