A Policía Nacional, dentro da súa campaña de colaboracións con institucións solidarias, organizou unha recollida de roupa, alimentos, xoguetes e bens de primeira necesidade para persoas desfavorecidas. O centro de recollida situouse na comisaría de Álvaro Cunqueiro. Esta operación, tal e como explican nun comunicado, lévase a cabo desde fai dez anos, cando se lle chamou ‘Operación potito’, “xa que se detectou unha especial demanda deste produto”.

Desde entón, apuntan, se foi ampliando ano a ano, o catálogo de efectos a doar, en consonancia coas necesidaes das persoas máis desfavorecidas. Todos os efectos recolleitos foron entregados á Sociedade de San Vicente de Paúl, organización de carácter humanitario e benéfico social con sede en Vigo. Á entrega acudiron o presidente da sociedade, Rafael Martínez, e o Xefe das dependencias, o Comisario Ramiro José Gómez García, así como os funcionarios encargados da recollida das doazóns.