InicioSociedadeO consultorio de Goián, en Tomiño, reabre o vindeiro luns

O consultorio de Goián, en Tomiño, reabre o vindeiro luns

PUBLICADO O

O consultorio da parroquia de Goián, en Tomiño, reiniciará a súa actividade asistencial o vindeiro luns, día 22 de xaneiro, coa presenza dun médico e unha enfermeira especialista en atención familiar e comunitaria de luns a venres.

Tal como informou o Servizo Galego de Saúde (Sergas), o xerente da área Sanitaria de Vigo, Javier Ponte, visitou este xoves as súas instalacións, explicando que neste centro sanitario porase en marcha unha iniciativa piloto que acollerá un novo concepto de consultorio, no que a saúde comunitaria cobrará unha especial relevancia.

Desta maneira, o consultorio non só recuperará a súa actividade normal interrompida pola pandemia, senón que será un centro pioneiro en todo o territorio, tal como indicou Ponte. En concreto, seleccionouse como centro piloto polas súas características poboacionais e xeográficas, así como polos recursos comunitarios á súa disposición.

“A orientación comunitaria da Atención Primaria trae consigo un cambio de paradigma que supón a evolución dunha atención sanitaria centrada na enfermidade a outra focalizada nas persoas e no seu contexto social. Por tanto, trátase de cambiar o modelo, co obxectivo de prestar unha asistencia sanitaria proactiva centrada na educación sanitaria, na prevención da enfermidade e na promoción da saúde coa participación da cidadanía”, engadiu a Xunta.

Nesta liña, no consultorio de Goián a enfermeira realizará un seguimento proactivo dos pacientes crónicos, para manter as súas enfermidades baixo control. Tamén desenvolverá actividades preventivas e de promoción da saúde.

ÚLTIMAS

Vigo, epicentro da fabricación das narcolanchas

As Forzas e Corpos de Seguridade do Estado aumentaron nos últimos días a presión policial...

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...