A Consellería do Mar, a través de Portos de Galicia, iniciou o procedemento de licitación das obras de ampliación e mellora da nave de redes de Bueu.

Segundo informou a Xunta, esta actuación sae a concurso cun orzamento basee de 220.000 euros e os documentos e pregos do concurso están dispoñibles na plataforma de Contratos de Galicia.

Os licitadores terán de prazo ata o 30 de novembro para presentar as súas ofertas e as obras consisten na ampliación dos espazos para ter novas zonas de almacenamento e traballo para a reparación das redes.

Desta forma, dimensionarán o edificio de acordo coas necesidades actuais e para iso construirán un módulo adicional de cinco metros de longo coa mesma anchura que o espazo actual, 15,2 metros.