InicioSociedadeMáis de mil profesionais de atención hospitalaria poderán optar ao concurso de...

Máis de mil profesionais de atención hospitalaria poderán optar ao concurso de mobilidade interna da área de Vigo

O Sergas ofertará nove postos de enfermaría de práctica avanzada.

PUBLICADO O

A xerencia da área sanitaria de Vigo asinou un acordo sindical sobre mobilidade interna voluntaria da persoa estatutaria fixa do ámbito da atención hospitalaria, do que poderán beneficiarse 1.237 profesionais, segundo informou o SergasEste acordo permitirá aos traballadores fixos de diferentes categorías elixir posto nas unidades, servizos e centros que integran o Complexo Hospitalario Universitario de Vigo.

A meta do acordo, apuntaron fontes de Sanidade, é “seguir avanzando nun dos obxectivos fundamentais da política laboral do Sergas: mellorar a conciliación familiar dos profesionais, permitindo optar aos diferentes postos ofertados segundo as súas características (especialidade, quenda e centro)”. O acordo foi subscrito polo xerente da área sanitaria, Javier Puente e a presidenta da Comisión de Centro de Atención Hospitalaria, María José Diéguez. No texto establécense os requisitos de participación, baremo de méritos da convocatoria e outras circunstancias.

Unha vez asinado, publicarase no Diario Oficial de Galicia (DOG) a correspondente convocatoria, á que poderán presentarse profesionais que opten a estes postos: 474 enfermeiros e enfermeiras, 15 enfermeiras especialistas en Pediatría, 30 enfermeiras especialistas en Saúde Mental, 388 técnicos en coidados auxiliares de Enfermaría, 21 fisioterapeutas, 4 logopedas, 7 terapeutas ocupacionais, 23 técnicos superiores de Farmacia, 27 técnicos superiores de Imaxe para Diagnóstico, 48 técnicos superiores en Laboratorio de Diagnóstico Clínico, 144 celadores e celadoras e 56 auxiliares administrativos.

POSTOS DE ENFERMARÍA DE PRÁCTICA AVANZADA

A principal novidade deste acordo é a incorporación de determinados postos de enfermaría catalogados como “postos de enfermaría de práctica avanzada”, en consideración ás especiais necesidades de formativas do seu desempeño. Para obter algún deses postos de práctica avanzada requírese ter unha experiencia ou formación específica nas materias e funcións relacionadas co posto a desempeñar.

Respecto diso, o Sergas explicou que se van a ofertar 9 deses postos nas consultas de Diálese Peritoneal, Enfermidade Inflamatoria Intestinal, EPOC, Hospital de Día Oncohematolóxico, Rehabilitación Cardíaca, Transplante Hematopoiético, Unidade de Accesos Venosos, Unidade de Demencias e Unidade de Mama.

ÚLTIMAS

Encontran o cadáver desmembrado dunha muller dentro dunha maleta nun solar de Vigo

Un home achou na tarde deste xoves un cadáver en avanzado estado de descomposición,...

Dúas persoas trasladadas ao hospital por un incendio nun edificio en Nigrán

Dúas persoas foron trasladadas, unha delas con queimaduras, tras producirse un incendio, que se...

A xestora do PP de Vigo promete unha “transición modélica” cun partido “unido”

A xunta xestora que asumirá as rendas do PP de Vigo tras a renuncia...

A Xunta destinará 1,8 millóns de fondos europeos facer do Mosteiro de Oia un gran establecemento turístico

Case dous millóns a facer do Mosteiro de Oia un gran establecemento turístico no Camiño...