InicioSociedadeAbre o novo Centro de Formación e Recursos para profesorado, "referente" dun...

Abre o novo Centro de Formación e Recursos para profesorado, “referente” dun modelo “innovador e inclusivo”

As instalacións contan cunha réplica da aula E-Dixgal e un Polo Creativo.

PUBLICADO O

Xunta de Galicia abriu en Vigo o novo Centro de Formación e Recursos para o profesorado, nun local anexo ao CEIP Virxe do Rocío, e en cuxa reforma se investiron 400.000 euros, co obxectivo de que se converta en “referente” da aposta autonómica por un modelo educativo “innovador e inclusivo”.

O centro foi inaugurado formalmente este mércores polo conselleiro de Cultura, Educación, FP e Universidades, Román Rodríguez, que subliñou que está dotado con todas as ferramentas e recursos necesarios, sobre todo en materia de novas tecnoloxías, para a formación dos docentes “fronte aos desafíos educativos presentes e futuros”.

Román Rodríguez apuntou que este novo centro é “un exemplo palpable do compromiso da Xunta coa excelencia na educación e co afianzamento do modelo educativo innovador e inclusivo”. Nese modelo, engadiu, “intensificarase a formación permanente coas máximas ferramentas e recursos dispoñibles”.

Na súa intervención, o conselleiro destacou a figura dos docentes como “a columna vertebral” que sostén o modelo educativo de Galicia, e reafirmou o compromiso do seu departamento de ofrecerlles todos os apoios formativos necesarios, sobre todo o uso de novas tecnoloxías na contorna das aulas ou en aspectos como a acreditación das competencias dixitais docentes (con 20.500 profesores xa certificados en Galicia).

O novo Centro de Formación e Recursos de Vigo será “unha peza crave” no desenvolvemento do Plan Anual de Formación do Profesorado para o curso 2023-24, que conta cun investimento de 9 millóns de euros e o desenvolvemento de 5.800 accións formativas. Ademais, coa súa apertura, a Xunta dá resposta á demanda dos profesores de contar cun espazo adecuado, xa que ata agora estaban a realizar as súas actividades de forma provisional no CEIP Sello de Cabral.

NOVAS INSTALACIÓNS

As novas instalacións contan con 3.000 metros cadrados distribuídos en tres plantas, e están adaptadas ás directrices tanto de innovación como de sustentabilidade marcadas no Plan de Novo Arquitectura Pedagóxica. Así, conta cunha réplica dunha aula E-Dixgal e un Polo Creativo, dotados con todo o equipamento; tamén dispón dun salón de actos con capacidade para 100 persoas e 6 aulas de formación que suman unha capacidade máxima de 400 persoas, ao que se engaden espazos de administración e despachos.

ÚLTIMAS

Tres atracadores levaron uns 300.000 euros a punta de pistola do Caixabank de Gran Vía

A Policía Nacional revisa imaxes gravadas polas cámaras e toma declaracións a testemuñas e empregados para atopar...

A remodelación do Museo Massó de Bueu rematará en 2024

O conselleiro de Cultura, Educación, FP e Universidades, Román Rodríguez, visitou este venres o Museo Massó...

O grupo municipal do PP denuncia que o Concello só dea “3 días” aos grupos para analizar a PXOM tras a súa tramitación “opaca”

O PP de Vigo reprochou este xoves que o Concello olívico só dea "tres días hábiles" aos grupos...

Traballadores de Vitrasa saen de novo á rúa para solicitar que a empresa e o goberno local acheguen unha solución

Decenas de traballadores de Vitrasa, concesionaria municipal do transporte urbano da cidade de Vigo,...