InicioSociedadeA prisión o veciño de Vigo con antecedentes terroristas detido por disparar...

A prisión o veciño de Vigo con antecedentes terroristas detido por disparar unha pistola durante unha discusión sobre os seus cans

Os feitos ocorreron pasadas as 18.30 horas do xoves, cando a Policía recibiu unha alerta para acudir a este parque, por unha discusión entre dous homes motivada no parque canino de Castrelos, e despois de que un deles sacase un arma de fogo e realizase disparos (un dos disparos impactou nunha árbore), sen alcanzar a ninguén.

PUBLICADO O

- Advertisement -

Prisión provisional, comunicada e sen fianza para o veciño de Vigo con antecedentes terroristas que foi detido por disparar unha pistola durante unha discusión nun parque o pasado xoves. Así o decretou o Xulgado de Instrución número 5 de Vigo, en funcións de garda. Segundo confirmaron fontes xudiciais, o home é investigado por tentativa de homicidio ou ameaza, o tipo de delito confirmarase ao longo da instrución, e tenencia ilícita de arma.

Os axentes da Policía Local de Vigo detiveron a un veciño da cidade, Manuel B.G., de 69 anos de idade, tras exhibir e disparar un arma de fogo durante unha discusión relacionada cos seus cans, na contorna do parque de Castrelos. Os feitos ocorreron pasadas as 18.30 horas do xoves, cando a Policía recibiu unha alerta para acudir a este parque, por unha discusión entre dous homes motivada no parque canino de Castrelos, e despois de que un deles sacase un arma de fogo e realizase disparos (un dos disparos impactou nunha árbore), sen alcanzar a ninguén.

Ao lugar acudiron en primeiro lugar efectivos de Policía Local, que acordoaron a zona, e localizaron ao sospeitoso na rúa Enrique Alonso Xalueiro, preto do paseo do río Lagares. Posteriormente membros da UDEV da Policía Nacional presentáronse no lugar e fixéronse cargo da investigación. Segundo informaron no seu momento fontes policiais, o suposto autor dos disparos, un home con antecedentes relacionados coa organización terrorista GRAPO, desfíxose da pistola nunha zona algo afastada de onde se produciu a discusión. O detido foi trasladado primeiro a un centro médico e durante o traxecto, informaron fontes policiais, o home non deixou de repetir que “ía matar” ao home co que discutira.

ÚLTIMAS

Volven prender lume en Chandebrito oito anos despois da traxedia na que morreron dúas persoas

Un lume forestal que comezou onte á noite en Chandebrito (Nigrán) queimou 0,73 hectáreas...

Caballero, contra as peaxes na A-52 e A-55: “As construtoras que se dediquen a contruír”

O alcalde de Vigo, Abel Caballero, arremeteu este venres contra a proposta da patronal...

Abel Caballero tacha de “bobada” a proposta do PP para o centro de asociacións

O alcalde de Vigo, Abel Caballero, negou este venres que poña problemas á Xunta...

A praia a Calzoa, a difícil convivencia entre liberdade canina e respecto pola natureza

Celebridades como o exfutbolista Vlado Gudelj e o músico Abraham Cupeiro participan na campaña...