InicioSociedadeA contorna de Vigo quere praia: a demanda obriga a incrementar en...

A contorna de Vigo quere praia: a demanda obriga a incrementar en agosto en máis de 200 frecuencias as liñas de bus en Vigo, Baiona e Gondomar

O Goberno galego tamén amplía a oferta desde O Porriño e Tui para viaxar ás praias.

PUBLICADO O

- Advertisement -

Xunta de Galicia incrementou durante o mes de agosto máis de 200 frecuencias de autobús semanais na liña Vigo-Baiona e Vigo-Gondomar, e nos servizos diarios ao Porriño, Ponteareas e Tui cara a Praia América, en Nigrán. Tal como informou o Goberno galego, os servizos que conectan estas localidades e as zonas de praia refórzanse para atender a demanda de transporte público específica durante esta época.

En concreto, dúas das liñas que atenden a conexión Vigo-Baiona contan en agosto con servizos reforzados. Unha delas con paradas nas praias de Nigrán: América, Panxón e Patos. Estas liñas realizarán 187 servizos máis á semana con respecto aos meses de setembro a xuño, 27 máis ao día de luns a sábado e 25 máis os domingos e festivos.

Entre Vigo e Gondomar, a liña que realiza paradas nas praias terá en agosto 29 servizos máis á semana, cinco máis diarios de luns a venres e dous máis sábados, domingos e festivos. “Estes reforzos permiten ter autobuses case cada hora durante a tarde entre semana e no fin de semana horarios adecuados aos desprazamentos á praia“, indicou o Executivo autonómico.

O aumento dos autobuses tamén facilita a oferta de viaxes á praia desde outros concellos do sur de Vigo, con liñas directas sen paradas intermedias desde O Porriño e Tui a praia América, segundo engadiu a Xunta. Así, desde O Porriño os cidadáns dispoñen en agosto dun servizo de ida e outro de volta todos os días da semana, con saída ás 15.00 horas e regreso ás 20.30 horas desde o areal. A duración é de 30 minutos ao non haber paradas intermedias.

“Esta liña directa pode ser empregada por usuarios de Ponteareas, tras os axustes realizados desde o 1 de agosto para mellorar a coordinación cos servizos que conectan Ponteareas e Vigo e facilitar as ligazóns no Porriño”, subliñou o Goberno galego. Desde Tui tamén hai unha liña directa a praia América cunha expedición de ida e outra de volta de luns a domingo, con saída ás 12.00 horas e volta ás 19.00 horas.

ÚLTIMAS

Un atuneiro dunha empresa viguesa, implicado nun naufraxio cun desaparecido nas Galápagos

O atuneiro 'Ría de Aldán', comprado o ano pasado pola viguesa Wofco, viuse implicado nun accidente...

Restablecen a circulación na ponte de Rande logo dun accidente múltiple que provocou retencións

A circulación na ponte de Rande quedou restablecida despois de algo máis dunha hora...

O AVE Vigo – Porto tardará 50 minutos, pero non se sabe cando estará operativo

Portugal prevé que a conexión en tren de Vigo ao Porto sexa de 50 minutos...

A Xunta intervirá Ambulancias del Atlántico con tres técnicos de Tragsa e xestionará a entrega de nóminas

Os sindicatos CIG, CC.OO. e USO informaron, nun comunicado conxunto, do achegamento de posturas...