InicioSociedadeA familia de Déborah "dáse por vencida" e abandona o caso polos...

A familia de Déborah “dáse por vencida” e abandona o caso polos “malos tratos” da Xustiza

"É difícil derrubar un muro con bólas de papel, por moitas que tiremos", denuncia.

PUBLICADO O

- Advertisement -

A familia de Déborah Fernández Cervera, a moza viguesa que apareceu morta nunha cuneta do Rosal en 2022, deuse ” por vencida” e pediu o sobresemento provisional do caso ante os “malos tratos” da xustiza, do Estado español e do Estado de dereito, tras máis de 20 anos loitando para atopar ao culpable do falecemento de muller.

“Dámonos por vencidos. É difícil derrubar un muro con bólas de papel, por moitas que tiremos. Os familiares xa non queren soportar máis o que entenden como uns malos tratos da Administración de Xustiza, do Estado español e do Estado de dereito”, indicou un dos avogados da familia, Ignacio Amoedo, ante os medios de comunicación.

El explicou que o pasado luns se lles deu trasladado dunha providencia do 4 de xullo co obxectivo de que manifestasen a súa opinión sobre a prórroga do caso, que finaliza nuns días. Neste sentido, subliñou que desde que se denegou o pase a procedemento de xurado por parte da xuíza en novembro de 2022, “carecía de sentido continuar coa presente instrución” e xa en abril deste ano os avogados da familia preguntaron ao xulgado se era necesario continuar coa causa e “facer sufrir á familia” se por aquel entón xa se pensaba (por parte dos xuíces) que a moza “non morrera de forma violenta”.

“Para que manter como investigado a persoa algunha? Para que seguir facendo sufrir á familia? Para que facer gastar diñeiro ás partes con periciais de diferente tipo? Para que seguir practicando probas? Que valor tiña o atestado de 2019 da Policía Nacional, que sinalaba a unha persoa como autora da desaparición e morte de Déborah? Se consideraban que o mesmo era unha invención, por que non se indicou aos axentes que fixesen ben o seu traballo?“, lamentou o avogado, lembrando que por aquel entón se solicitou a declaración do doutor Curiel “e na mesma os seus argumentos foron atacados a fin de manter viva a teoría da morte súbita”.

ORDENADOR E MÓBIL

Nun emotivo discurso, Amoedo fixo un repaso de todo o vivido desde 2002, criticando certos aspectos como é o caso do disco duro do computador da moza que, segundo os peritos de Lazarus (inicialmente propostos pola propia maxistrada) fora manipulado nalgún momento despois de ser entregado á Policía Nacional. Con todo, a Garda Civil concluíu que non fora manipulado.

Tamén se referiu ao móbil da vítima, que apareceu o ano pasado nun cartapacio “descoñecido ata a data” nunha comisaría de Madrid sen cartón SIM. “Tampouco sacaremos nada en limpo da inspección do teléfono móbil porque dúas persoas con nome e apelidos quitáronlla (a SIM) cando o recolleron”, criticou.

ÚLTIMAS

Vigo sen Bombeiros manifestarase este sábado para volver reclamar máis efectivos tras a morte de Sergio S.D.: “Xa se pagou un prezo moi caro”

A plataforma Vigo sen Bombeiros convocou unha manifestación para este sábado, ás 19.00 horas na Praza...

A Xunta critica ao Concello de Vigo por non poñer buses lanzadeira a Lavacolla

O conselleiro de Presidencia, Xustiza e Deportes, Diego Calvo, destacou este mércores a "resposta...

Entradas para o Galicia-Panamá se doas sangue

A Axencia de Doazón de Órganos e Sangue (ADOS) e a Real Federación Galega de Fútbol volverán desenvolver...

Adxudicado pola vía de emerxencia o servizo de transporte sanitario urxente da área a Emerxencias Sanitarias-Saluser

A Xunta, a través da Fundación Pública Urxencias Sanitarias de Galicia-061, adxudicou o servizo de transporte sanitario...