InicioSociedadeUnha enfermeira de Vigo enfróntase a 7 anos e medio de prisión...

Unha enfermeira de Vigo enfróntase a 7 anos e medio de prisión por acceder ao historial do seu ‘ex’ e da parella deste

Tamén se enfronta a 18 anos de inhabilitación por dous delitos continuados de revelación de segredos, e será xulgada na sección quinta da Audiencia Provincial de Pontevedra, con sede na cidade olívica, este martes.

PUBLICADO O

- Advertisement -

Unha enfermeira do Sergas na área sanitaria de Vigo enfróntase a penas que suman 7 anos e medio de cárcere e 18 anos de inhabilitación por dous delitos continuados de revelación de segredos, e será xulgada na sección quinta da Audiencia Provincial de Pontevedra, con sede na cidade olívica, este martes.

Segundo o escrito de acusación da Fiscalía, os feitos ocorreron entre xaneiro de 2016 e outubro de 2019. Nese período de tempo, aproveitando a súa condición de funcionaria e o acceso ao sistema IANUS do Sergas, a procesada entrou 196 veces no historial da súa exparella e outras 124 veces no historial da parella del.

Estes accesos fíxoos sen consentimento, “guiada polo ánimo de invadir a esfera máis persoal e íntima” dos prexudicados, e así puido coñecer circunstancias da súa saúde, dos seus tratamentos médicos, probas diagnósticas, etc.

O ministerio público tamén recolle que a acusada entrou 134 veces no historial médico da súa filla, da que tiña a patria potestade, sen informar o seu pai. Non consta que a procesada difundise algunha desa información sanitaria.

DELITOS E PENAS

A Fiscalía considera a esta enfermeira autora de dous delitos continuados de descubrimento de segredos relativos á saúde, cometidos por unha funcionaria pública.

Por estes feitos pide que sexa condenada a un total de 7 anos e medio de prisión, a pagar 13.200 euros de multa e a ser inhabilitada por 18 anos.

ÚLTIMAS

Un condutor recibe o impacto dunha pedra despois de pasar por debaixo dunha pasarela na AP-9 en Vigo

Un condutor recibiu na mañá deste venres o impacto de pedra tras pasar por...

Abel Caballero enxalza a figura de Salvador Illa por traer a “tranquilización e normalización” de Cataluña

O alcalde de Vigo, Abel Caballero, mantivo este xoves senllos encontros co alcalde de...

Visto para sentenza o xuízo Karar que afecta a 28 acusados de traficar con 3,8 toneladas de cocaína

O xuízo polo alixo de 3,8 toneladas de cocaína transportadas no buque 'MV Karar'...

Stellantis Vigo e sindicatos acordan un ERE voluntario para un máximo de 80 traballadores e un ERTE de ata 75 xornadas

Tras varias xornadas de negociacións, a dirección da planta viguesa do grupo automobilístico Stellantis...