A Xunta adxudicado por 791.269 euros á empresa Construcións, Obras e Viarias, S.A., a construción do aparcadoiro disuasorio asociado á implantación de zonbas de baixas emisións na estrada autonómica PO-551 en Domaio, Moaña.

Esa zona de estacionamento está situada preto da ligazón de Rande, que conecta a AP-9 coa autovía do Morrazo e contará con 75 prazas, dúas delas para vehículos de persoas con mobilidade reducida.

A previsión da Xunta é que as obras comecen este verán e os actos expropiatorios das leiras necesarias para executar os traballos xa foron convocados.

O aparcadoiro contará con preinstalación de tres puntos de recarga para vehículos eléctricos e tamén dispondrça de carrís de circulación interior dun só sentido, e unha banda perimetral de itinerario peonil.

Esta actuación forma parte dos proxectos promovidos pola administración autonómica ao amparo dos fondos europeos do Mecanismo de Recuperación e Resiliencia Next Generation UE.