InicioPolíticaAna Pontón pide un "novo tempo" para Redondela da man do candidato...

Ana Pontón pide un “novo tempo” para Redondela da man do candidato Xoán Carlos González

A portavoz nacional do BNG sinalou que o candidato representa a forma de facer política municipal dos nacionalistas galegos, que ten como principal modelo de éxito o concello de Pontevedra.

PUBLICADO O

A portavoz nacional do BNG, Ana Pontón, participou este venres na presentación da candidatura que encabeza Xoan Carlos González Campo como aspirante á Alcaldía de Redondela, e destacou a tenacidade do candidato e o seu nivel de coñecemento do municipio, “como a palma da súa man”.

Pontón proclamou que González Campo “será o alcalde que abra un tempo novo” en Redondela, un municipio que “ten todo o potencial para ser un concello de referencia enla comarca e en Galicia”. “Só lle falta liderado político e proxecto de futuro, un proxecto con rumbo e con ideas claras, con alternativas e con propostas para que avance, progrese e mellore”, subliñou.

A portavoz nacional do BNG sinalou que o candidato representa a forma de facer política municipal dos nacionalistas galegos, que ten como principal modelo de éxito o concello de Pontevedra. “Dígoo co máximo orgullo: os gobernos municipais do BNG son gobernos de calidade, que funcionan, son gobernos solventes, que saben xestionar con eficacia cada euro”, proclamou.

Na súa intervención, Pontón volveu a facer referencia ao actual contexto de crise, cun goberno do PP na Xunta “insensible aos problemas da xente” e “desconectado” da realidade. Respecto diso, volveu a censurar que Alfonso Rueda diga “sen porse colorado” que os ‘populares’ deixaron de lado durante 14 anos a construción de vivenda protexida “porque non sabía que o acceso á vivenda era un problema para a cidadanía”.

A líder do BNG tamén se referiu ao “espolio eólico que promove o PP para que as eléctricas se sigan forrando”, e defendeu unha vez máis a implantación dunha tarifa eléctrica galega para abaratar a factura da luz de familias e empresas; igualmente, repetiu a súa proposta de aprobar un plan de rescate hipotecario ante a subida dos tipos de interese.

ÚLTIMAS

Buscan un home que convivía cunha muller nunha pensión da rúa Fragoso pola súa posible relación co crime da maleta

A Policía Nacional busca a un home que conviviu cunha muller nun piso de aluguer por...

BNG de Vigo denuncia que o goberno loca tramita “ás agachadas” o reequilibrio da concesión de bus

O grupo municipal do BNG no Concello de Vigo denunciou este mércores que o...

Descargan en Vigo os 200 quilos de coca do veleiro ‘Asshashio’ abordado no Atlántico

Funcionarios de Vixilancia Aduaneira, Garda Civil e Policía Nacional procederon este mércores á descarga dos 8 fardos,...

O CSIC inicia en Vigo unha investigación sobre o estado dos cabaliños de mar no litoral español

O Consello Superior de Investigacións Científicas (CSIC), a través do Instituto de Investigacións Mariñas...