Nas escaleiras do edificio dos Pescadores, do Barrio de Torrecedeira, instalouse un valo para evitar unha realidade que os veciños levaban meses denunciando, sen recibir contestación algunha por parte do Concello. A dos centos de persoas que semana tras semana se sentaban nelas para beber alcol, chegando a mexar ou pelexar nas mesmas.

O albergue está fronte ao lugar e centos de persoas quedan fóra del cada mes, 201 en agosto, moitas delas con problemas de bebida. Tanto a Acampada contra a pobreza, por tódalas persoas que non caben no edificio do albergue e teñen que durmir nas rúas, como os veciños de Torrecedeira, para evitar este tipo de situación, claman pola creación doutro albergue que se sume a este, noutra zona da cidade.

Non chegou a contestación por parte do ente municipal, si o “parche”: este valo que non soluciona o problema e dificulta o tránsito de persoas pero aforra aos veciños unha pequena parte das incomodidades que sofren.