Un condutor precipitouse co seu vehículo por un terraplén no municipio pontevedrés de Bueu cando seguía as indicacións do GPS. Segundo informou o CIAE 112 Galicia, o incidente produciuse no lugar da Costiña, na parroquia de Cela, ás 12,30 horas deste venres.
O propio condutor, que saíu ileso, explicou á central de emerxencias que as indicacións do navegador guiárono ata unha pista de terra non apta para a circulación de vehículos pola que se despeñou.
