O Tribunal Superior de Xustiza de Galicia (TSXG) avalou a compensación económica de 172.000 euros que o Concello de Vigo outorgou a Dornier, a empresa concesionaria que prestaba o servizo de estacionamento regulado ‘zona azul’.

Tal como indicou en rolda de prensa o alcalde, Abel Caballero, o TSXG ratificou a compensación económica que o Concello deu á compañía polos servizos prestados entre 2014 e 2018, a pesar de que a firma reclamaba 2,5 millóns de euros.

Na súa sentenza, o tribunal desestima o recurso de apelación interposto por Dornier, que consideraba insuficiente o importe de liquidación do contrato determinado polo goberno local en vía administrativa.

A resolución xudicial, que ratifica a de primeira instancia, indica que a compensación de máis de 172.500 euros que entregou o Concello era correcta. Contra esta sentenza cabe interpor recurso de casación ante o Tribunal Supremo ou ante a sala.