Avibe, a plataforma de veciñanza afectada polo vial de Beade, vén de convocar unha nova mobilización para este sábado ás 13:00 na Praza América. Buscan protestar contra
o viario PO-010 e a negativa do Concello de Vigo a iniciar o trámite da declaración de ENIL (Espazo natural de interese local) ao ecosistema formado polos ríos Barxa e Eifonso.
A concentración tamén está impulsada por catro grupos ecoloxistas – Greenpeace,
Ecoloxistas en Acción, ADEGA e Amigos da Terra -. “Queremos avisar á cidadanía da desfeita que vai provocar o viario de alta capacidade que atravesará Beade, Bembrive, Castrelos e Sardoma, así como de que o PSOE foi o único partido político en votar en contra da proposta de iniciar o trámite da declaración do ENIL”, sentenzan no comunicado.
