O pleno de Ponteareas aprobou o primeiro Plan de Igualdade do persoal municipal do Concello. A través de 39 actuacións divididas en 7 áreas de intervención, o documento aprobado o 27 de xullo ten como obxectivo “camiñar cara a igualdade entre ambos xéneros na plantilla de persoal da entidade local”. Con este Plan, o Goberno local pretende incorporar a perspectiva de xénero na xestión dos recursos humanos do Concello, fomentar a igualdade de oportunidades, integrar o respecto pola igualdade na cultura e incrementar o impacto positivo do xénero nas políticas e servizos públicos. O documento está promovido pola concellaría de Benestar Social e Igualdade, dirixida por Verónica Carrera. A violencia contra as mulleres, a saúde laboral, o acceso ao emprego ou a información e sensibilización son algunhas das áreas que establece o plan aprobado no pleno. UNAMINIDADE POLOS DEREITOS LGTBI O concello de Ponteareas declarouse como un “municipio de liberdade para todas as persoas independentemente da súa identidade de xénero ou afinidade sexual”. Fíxoo a través dun manifesto polos dereitos das persoas LGTBI, consensuado por todas as forzas políticas da corporación municipal. Con el mostran a súa vontade de “construír unha sociedade inclusiva con oportunidades para todos e para todas”