As autoridades sanitarias informaron este sábado de catro novos falecidos pola covid-19 e que elevan a 2.268 o total de vítimas en Galicia desde o inicio da pandemia sanitaria.

Un deles foi un home de 76 anos que estaba ingresado no Complexo Hospitalario de Vigo, ademais dun home de 64 anos e unha muller de 85 que se atopaban no Complexo Hospitalario de Pontevedra.

Finalmente, faleceu outro home de 66 anos de idade e que se atopaba ingresado no Complexo Hospitalario da Coruña. Os catro presentaban patoloxías previas.