O Concello de Salceda recibirá, ao longo da vindeira semana, 5.000 máscaras homologadas cuxa compra xestionouse con distintos provedores durante estas dúas últimas semanas.

Na mesma liña o conello solicitou á Vicepresidencia da Xunta de Galicia outro lote de 4.500 máscaras coa mesma finalidade.

“A adquisición destas 9.500 unidades de máscaras de protección faise para o momento en que se comecen a flexibilizar as medidas do estado de alarma e a veciñanza poida saír, de xeito controlado, ás rúas, e as autoridades sanitarias establezan a recomendación ou obrigatoriedade de empregalas, atendendo deste xeito aos 9.170 veciños e veciñas de Salceda. Ata agora atendéronse a aquelas persoas que pola súa actividade e exposición precisan unha especial protección”. sinala a alcaldesa.

Este novo lote súmase ao lotes anteriores de 3.000 máscaras que o concello adquiriu e puxo a disposición de protección civil, policía local, traballadoras do servizo de axuda no fogar, persoal de recollida de lixo e servizos de mantemento, persoal sanitario e das residencias de maiores, e o outra partida con 1000 máscaras para traballadores/as e autónomos/as.

O Concello de Salceda lembra que a día de hoxe segue vixente o estado de alarma e as persoas que teñen que permanecer nos seus domicilios non precisan deste tipo de protección.

“As múltiples noticias sobre reparto masivo de máscaras ás que estamos asistindo nas últimas semanas, conlevan o serio risco de que a poboación sinta unha falsa sensación de seguridade por levar unha mascarilla, esquecendo as medidas fundamentais que realmente garanten a seguridade: manter a distancia social mínima e extremar as medidas de hixiene, pois a día de hoxe ningún organismo sanitario estableceu a obrigatoriedade (nin sequera a recomendación) do emprego masivo de mascarillas por parte da cidadanía. ” sinalan dende o Concello

O goberno local non descarta un “reparto masivo porta a porta por parte de numerosas persoas” se as condiciósn de seguridade o permiten.