InicioSen categorizarCondenada unha viguesa obsesinada co director do seu banco ao que deixaba...

Condenada unha viguesa obsesinada co director do seu banco ao que deixaba bicos de carmín e notas de amor

O home tivo que modificar a súa rutina diaria ante a insistencia da muller.

PUBLICADO O

- Advertisement -

A sección quinta da Audiencia Provincial de Pontevedra, con sede en Vigo, condenou a unha veciña da cidade que durante meses se dedicou a seguir, vixiar e deixar notas ao director da súa sucursal bancaria para “trasladarlle o seu amor”.

En concreto, a Audiencia desestimou o recurso da condenada e ratificou a sentenza ditada polo Xulgado de Instrución número 6 de Vigo, que lle impuña unha multa de 540 euros e unha orde de afastamento do home por un delito leve continuado de coaccións, así como unha multa de 270 euros por empurrar a unha das empregadas do banco.

O fallo recolle que a muller, clienta dunha oficina bancaria de Vigo, presentouse no nadal de 2017 na sucursal para entregar a todos os empregados unha planta como obsequio e para deixar un “agasallo envolto” para o seu director.

Uns días despois, prosegue, a muller volveu á oficina e solicitou entrevistarse co director, que lle trasladou que non era necesario que lles fixese ningún agasallo. A isto, a condenada respondeu dicindo ao denunciante ‘a ti elixiuche Deus’, tras o que o home lle recomendou que tratase calquera cuestión relativa á oficina co resto do seu equipo e non con el.

VISITÁBAO VARIAS VECES POR SEMANA

A partir dese momento, a muller “comezou a presentarse na oficina de forma continua, varias veces por semana”, preguntando polo director e buscando reunirse con el, algo que impedían o resto dos empregados.

A maiores, reitera, a muller sentaba na cafetaría situada enfronte da oficina e, desde alí, “mantíñase durante horas en actitude vixiante“, chegando a seguir ao home cando saía da oficina e “deixando en varias ocasións notas na motocicleta” da vítima e “marcas de bicos de carmín nos espellos retrovisores e nos escaparates da oficina”.

A condenada tamén aseguraba publicamente que mantiña unha relación sentimental co denunciante, chegando a dicilo tanto nunha panadaría que frecuentaban os empregados da sucursal como na cafetaría que se atopaba enfronte.

Nunha ocasión, a muller chegou mesmo a “agarrar fortemente” a unha empregada e “zarandeala” cando pretendía atoparse co director da oficina. Por iso, o home viuse forzado a “alterar a súa rutina diaria” para evitar ser “controlado por ela”.

ÚLTIMAS

PSOE e Vox votan a favor dun novo trazado da A-52 co voto en contra do BNG e a abstención do PP

PSOE e Vox votaron en contra dunha iniciativa na Comisión de Transportes do Congreso...

Caballero irá “xunto” coa RFEF para que Vigo sexa sede do Mundial pero avisa: “Ten que ser rápido”

O alcalde de Vigo, Abel Caballero, valorou o ofrecemento de colaboración da Real Federación...

A Xunta culpa ao goberno de Vigo dos problemas cos sinais no Camiño de Santiago dentro da cidade olívica

A delegada territorial da Xunta en Vigo, Ana Ortiz, lamentou este martes que os...

Ecoloxistas en Acción rexeita máis recheos no litoral de Baiona

Ecoloxistas en Acción rexeita o novo recheo no litoral de Baiona e chama a...