InicioMovementos SociaisIndignación polos despidos na empresa auxiliar Grupo Copo: "A precarización é imparable...

Indignación polos despidos na empresa auxiliar Grupo Copo: “A precarización é imparable no automóbil”

Os compañeiros de Carlos en Nacho manifestáronse tralo seu despedimento.

PUBLICADO O

- Advertisement -

Arredor de 200 delegados da CIG na automoción participaron hoxe luns na mobilización convocada ás portas das instalación do Grupo Copo en Mos para rexeitar o despedimento de dous traballadores no CETEC e reclamar a súa inmediata readmisión. Todo o cadro de persoal secundou os paros de catro horas convocados en cada unha das tres quendas para reclamar a readmisión dos dous compañeiros.

Os representantes sindicais da central nas principais empresas do sector do automóbil concentráronse diante da sede de Copo no concello pontevedrés de Mos ás 11:00 horas, onde despregaron unha faixa esixindo a readmisión dos despedidos no Centro Tecnolóxico do Grupo Copo (CETEC) e berraron consignas como “Non máis despidos no Grupo Copo”, “Carlos e Nacho somos todos”, “Copo, escoita, a CIG está en loita” e “Traballo digno na automoción”.

A continuación saíron en manifestación cara ao centro de Mos, continuando cunha ruidosa protesta polas rúas da localidade. Á cabeza da marcha, o secretario comarcal da CIG de Vigo, Alberto Gonçalves, e da federación de Industria, Xulio Fernández, que acompañaban os dous traballadores afectados. Todo o cadro de persoal, que participou na protesta, secundou os paros de catro horas tanto na quenda de noite como na de mañá.

A mobilización rematou diante das oficinas principais do Grupo Copo, situadas a carón do propio CETEC, onde o secretario comarcal da CIG-Industria de Vigo deixou moi claro que a central non cesará na loita até que os dous afectados sexan readmitidos ou recolocados.

PSA Vigo/ Miguel Núñez

Xulio Fernández inseriu estes despedimentos dentro da “estratexia de precarización que está a levar a cabo a dirección de Copo para aforrar custes salariais desfacéndose de persoal con antigüidade” e vaticinou que a conflitividade laboral rematará por estenderse ao resto do grupo.

De igual xeito, fixo fincapé en que o conxunto do sector non debe permanecer alleo a o que está a acontecer, xa que “a precarización laboral é un proceso imparábel en todas as empresas do automóbil”. Neste senso, lembrou que o novo director de PSA Citroën de Vigo adiantou recentemente que o futuro da factoría pasaba por, entre outras cuestións, afondar na flexibilidade laboral para competir con países con salarios máis baixos.

“A intención de Citroën vai ser que este empeoramento das condicións de traballo chegue tamén a todas as empresas provedoras e auxiliares, polo que temos que estar preparados e organizados para dar a batalla en cada unha das empresas”, incidiu. Finalmente, adiantou que seguramente “esta non vai ser a última vez que nos teñamos que mobilizar diante de Copo” e apelou á solidariedade dos delegados/as e traballadores do sector “porque Carlos e Nacho somos todos/as”.

ÚLTIMAS

Caballero dá por sentado que “Vigo é sede do Mundial” tras a renuncia de Málaga

O alcalde de Vigo, Abel Caballero, deu por sentado que a cidade "é sede do...

Feirantes denuncian trato “inxusto e arbitrario” por parte do Concello do Porriño

A asociación de Empresarios de Atraccións de Feira de Galicia (Emafega) denunciou o trato...

Cardioloxía do Cunqueiro utiliza por primeira vez a nivel mundial unha nova técnica para repor unha prótese aórtica

O servizo de Cardiología do hospital Álvaro Cunqueiro de Vigo realizou o primeiro implante...

Resposta Feminista pide trasladar ao Meixoeiro o servizo de reprodución asistida ante a súa “paralización” polo espazo

Resposta Feminista pediu este luns o traslado ao hospital Meixoeiro de Vigo o servizo...