Axentes da Garda Civil detiveron a un veciño de Cangas de 68 anos de idade, compo presunto autor dun delito continuado de danos, por haber picada supostamente as rodas de varios vehículos de alta gama.
Segundo informaron fontes da Comandancia de Pontevedra, desde fai un par de semanas rendera a alarma pola aparición de ata unha ducia de vehículos de alta gama cos pneumáticos picados. Tratábase de coches estacionados na zona do porto deportivo deste municipio.
Tras ter coñecemento destes feitos, a Garda Civil despregou un dispositivo de vixilancia e sorprendeu ‘in fraganti’ ao suposto autor dos danos. Así, os axentes atopárono cando se dispuña a picar unha roda dun vehículo cunha navalla.
O home, que ten antecedentes penais, foi detido e posto en liberdade posteriormente en sede policial. As dilixencias serán entregadas no Xulgado de garda de Cangas, onde deberá comparecer o investigado cando sexa requirido.
