O presidente da Xunta, Alfonso Rueda, e o alcalde de Vigo, Abel Caballero, coincidiron este luns nun xantar con empresarios na cidade, foro que serviu para que ambos poñan de manifesto de forma expresa o seu enfrontamento político, con intercambio de acusacións e un ambiente máis que tenso entre ambos os mandatarios. Unha situación que xa se mantén, e semella que augudizada, da etapa de Alberto Núñez Feijóo como presidente da Xaunta.

O acto, organizado polo Círculo de Empresarios de Galicia e o Consello Empresarial Alianza por Iberoamérica, comezaba no hall da sede da organización empresarial, co habitual saúdo entre o presidente galego e os representantes empresariais, un saúdo que non se produciu entre Rueda e Abel Caballero.

Só ao tomar asento, e dado que ambos compartían mesa (na que tamén estaban o presidente do Círculo, Manuel Rodríguez; o delegado de Zona Franca, David Regades; a presidenta da Deputación de Pontevedra, Carmela Silva; ou a delegada da Xunta e candidata do PP á alcaldía, Marta Fernández Tapias), produciuse un fugaz apertón de mans entre o presidente galego e o rexedor olívico.

Esa frialdade fíxose máis patente nas intervencións. O primeiro en tomar a palabra foi o alcalde da cidade, que aproveitou o seu discurso para arremeter contra a Xunta en todos os ámbitos posibles.

Así, acusou o goberno galego de impedir a creación da área Metropolitana e de non apoiar a Vigo nas súas reivindicacións e necesidades, como a nova potabilizadora. Tamén apuntou ao anterior Goberno de España, do PP, por facer oídos xordos á súa petición da conexión á moi alta tensión para Stellantis, ou por facer metido nun caixón os proxectos do AVE e do saída sur ferroviaria.

Por contra, destacou Abel Caballero, o Executivo que preside Pedro Sánchez púxose ao lado da cidade e do seu alcalde, concedendo millóns de euros procedentes de fondos europeos para accións de turismo, comercio ou mobilidade, entre outras. Tamén destacou a modificación do PERTE da automoción para que Stellantis poida beneficiarse das axudas, e asegurou que “de forma inmediata” a planta de Balaídos contará con liña de moi alta tensión.

RESPOSTA DE RUEDA

O presidente da Xunta, Alfonso Rueda, comezou a súa intervención subliñando que estaba nun foro con empresarios e que de empresas debía falar, en lugar de “falar mal doutras administracións” como os presentes puideron “escoitar no discurso anterior”. “Os empresarios e a sociedade o que queren é que as administracións cooperen e cren un clima de estabilidade”, salientou.

Con todo, tamén aproveitou o seu discurso para responder a Abel Caballero, trasladando os bos datos da economía de Galicia e as boas perspectivas para 2023, e incidindo en que as empresas “non van ben co desgoberno nin co populismo”.

En relación a todos os proxectos anunciados que, segundo Caballero, serán realidade de forma inminente (saída sur, AVE por Cerdedo, nova autovía ao Porriño ou alta tensión para Stellantis), o presidente da Xunta expresou a súa satisfacción porque estas accións vaian ser atendidas despois de anos “sen que pasasen do BOE“.

“Alégrame saber que van ser realidade (…), verémolo”, dixo, e expresou a súa estrañeza pola seguridade de Caballero con respecto á moi alta tensión, cando a propia ministra Teresa Ribera trasladou á Xunta que sería imposible antes da planificación 2024-29 de Rede Eléctrica.

Alfonso Rueda celebrou “eses anuncios, do mesmo xeito que a convicción do alcalde sobre o saída sur, un proxecto “que ten 30.000 euros nos Orzamentos Xerais de 2023”. “Sería magnífico que as administracións tentasen colaborar e non confrontar a diario”, sentenciou.