InicioPolíticaOs expedientes da Cidade da Xustiza de Vigo danados por unha filtración...

Os expedientes da Cidade da Xustiza de Vigo danados por unha filtración de auga, no punto de mira do BNG

O BNG anunciou este martes que levará ao Parlamento galego os expedientes da Cidade da Xustiza de Vigo que resultaron danados por filtracións de auga a mediados do pasado mes de decembro.

PUBLICADO O

O Bloque Nacionalista Galego (BNG) anunciou este martes que levará ao Parlamento galego os expedientes da Cidade da Xustiza de Vigo que resultaron danados por filtracións de auga a mediados do pasado mes de decembro, feito que denunciou o sindicato Alternativas na Xustiza, organización dependente da Central Unitaria de Traballadoras (CUT).

A deputada Carmela González sinalou que o anuncio forma parte dunha batería de iniciativas do BNG para esixir explicacións ao Goberno galego reclamar medidas que eviten que se poidan repetir este tipo de sucesos que afectan o funcionamento da administración xudicial.

“Por mor das choivas producidas o pasado mes de decembro resultaron afectados diversos expedientes xudiciais, algúns que poderían ser irrecuperables, cunha absoluta carencia de medios para atender esta situación. Non só a ausencia de espazo para albergar os expedientes, senón tamén a inexistencia de deshumidificadores e calefactores que permitan a conservación e coidado da documentación xudicial“, denunciou González.

A deputada nacionalista sinalou que “o pasado 24 de maio de 2022 procedeuse á inauguración oficial da denominada Cidade da Xustiza de Vigo aínda que xa se advertía que a infraestrutura non estaba terminada nin en condicións de ser utilizada”.

Neste senso, González tamén lembrou que a rehabilitación e acondicionamento para usos xudiciais tivo un custo superior aos 40 millóns de euros e tivo sobrecustos superiores ao 30 % do orzamento inicial.

“OS DOCUMENTOS FORON RESTAURADOS”

Fontes da Xunta consultadas por Europa Press aseguraron que “a avaría foi solucionada e os documentos foron restaurados adoptándose as medidas de protección requiridas polo arquiveiro provincial, que é o que toma as decisións técnicas, como experto na materia”.

Para a recuperación dos arquivos danados instalouse un deshumidificador e papel secante e non se requiriron doutros medios técnicos“, comentaron desde a Administración autonómica.

Así mesmo, desde a Administración autonómica aseguraron a Europa Press que, a partir do 9 de xaneiro, instalaranse cortinas naquelas oficinas que as solicitaron, así como a posibilidade de novas obras na Cidade da Xustiza de Vigo unha vez se realice o traslado de todos os xulgados ao novo edificio.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...