InicioSucesosPor que a Xunta indemnizou con 75.000 euros aos falecidos nos lumes...

Por que a Xunta indemnizou con 75.000 euros aos falecidos nos lumes e só con 30.000 aos de Paramos?

En Marea acusa á Xunta de ver "cidadáns de primeira e de segunda" e de aproveitar cando os lumes de "tapar a súa incompetencia coa palabra terrorismo".

PUBLICADO O

En Marea considera unha inxustiza que a Xunta de Galicia só indemnice con 30.000 euros por cada unha das vítimas mortais da explosión da pirotecnia en Paramos, Tui. A formación considera que está cantidade non é xusta cando se compara cos 75.000 euros por vítima que se pagaron cando os lumes de outono do pasado ano.

Luís Villares apuntou que era “inasumible” e “inexplicable” que a Xunta estea utilizando dúas varas de medir tan diferentes. O voceiro de En Marea explicou que o Partido Popular rexeitou na sesión deste mércores pasado a “proposta de En Marea para que as vítimas cobrasen a máxima indemnización posible”, e anunciou que as indemnizacións por vítimas mortais serán de 30.000 euros.

Luís Villares mostrouse “sorprendido” por esta decisión da Xunta que deixa claro para el que “o goberno autónomo ve vítimas de primeira e de segunda”. O voceiro de En Marea explicou que é moi difícil de entender que nos lumes “do pasado outono a indemnización se cifrase en 75.000 euros e uns meses despois o mesmo goberno considere que só son 30.000”.

Para Villares, a Xunta cualificou de terrorismo os incendios a pesar de que, como quedou comprobado, non era así, e aproveitou o asunto para “tapar a súa incompetencia coa palabra terrorismo”.

Lume no cemiterio en Nigrán, en plena onda de incendios en Galicia a mediados de outubro de 2017 / Miguel Núñez.

Villares sinalou que nese momento as indemnizacións que se pagaron por vítimas mortais eran de 75.000 euros e “desde En Marea pensamos que no caso de Paramos non pode ser menos, iso é o que imos volver reclamar no Parlamento porque outra cousa sería unha inxustiza manifesta”.

ÚLTIMAS

O goberno de Vigo acusa a ecoloxistas de facer “política antivigo” por criticar a “política arboricida” do Concello

O goberno de Vigo acusou a veciños e ecoloxistas de facer "política antivigo" ao...

Dous detidos na desarticulación dun punto negro de venda de drogas en Navia

A Policía Nacional detivo este pasado xoves en Vigo a dous homes tras desarticular un punto negro...

Un camión guindastre choca contra o tendido eléctrico en Mos e provoca retencións e danos nunha vivenda

Un camión guindastre chocou na mañá deste venres contra o tendido eléctrico en Mos...

Outro accidente múltiple no túnel da Madroa causa retencións na AP-9 en Vigo

Un accidente múltiple rexistrado á primeira hora deste xoves na AP-9 causou importantes retencións no...