InicioPolíticaAbel Caballero volve lamentar que non tivo "nin unha reunión" sobre a...

Abel Caballero volve lamentar que non tivo “nin unha reunión” sobre a COVID-19 coa Xunta, á que acusa de “ocultar” datos

"Invéntanse que os alcaldes piden datos persoais, pero é falso", afirma o alcalde.

PUBLICADO O

- Advertisement -

O alcalde de Vigo, Abel Caballero, volveu a denunciar este martes a “ocultación” de datos sobre a evolución da pandemia por parte da Xunta, á que esixiu novamente que lle informe dos casos concretos na cidade, e lamentou que, desde que se iniciou a crise sanitaria, non tivo “nin unha soa reunión” con responsables autonómicos para recibir información.

O rexedor subliñou que outras comunidades autónomas, como Andalucía, Murcia, Estremadura, ou Canarias, e mesmo Portugal, ofrecen información actualizada aos municipios. “Toda España e Portugal teñen información, só a oculta a Xunta en Galicia”, denunciou.

Acusou o conselleiro de Sanidade e o presidente da Xunta de ser, ademais de “ocultadores de información”, uns “mentireiros” por suxerir que haxa alcaldes que reclamaron coñecer os datos da COVID-19 nos seus municipios de maneira “personalizada”. “Invéntanse que os alcaldes piden datos persoais, pero é falso. Esixo que digan quen os pediu. Non poden porque menten”, aseverou.

Por outra banda, Abel Caballero volveu lamentar que, desde o inicio da pandemia, nin os responsables de Sanidade nin o presidente da Xunta contactou con el para informarlle sobre a evolución da crise sanitaria na cidade. “Aínda non tiven nin unha soa reunión coa Xunta”, afirmou e engadiu: “Eu teño a notoriedade suficiente como para non ter que recorrer a unha reunión cun conselleiro, co presidente da Xunta. Máis ben a eles gustaríalles tela comigo”.

“Pero seriamos máis eficaces. Non o fago por eles, fágoo polos cidadáns, porque o máis importante é atender, vixiar e controlar a pandemia”, proclamou.

ÚLTIMAS

De Baiona a Bruxelas: a iniciativa cidadá que cambiará a seguridade infantil nos coches europeos

Pedro Telmo, veciño de Baiona, impulsou unha campaña en Change.org que superou as 62.500...

O BNG esixe cambiar o plan de tráfico do Nadal de Vigo tras o “caos” do acendido das luces e o desfile de Disney+

O BNG de Vigo urxiu ao Goberno municipal que "rectifique" o plan de tráfico...

“Ameaza a supervivencia do barrio”: Lavadores mobilízase contra o proxecto de vivendas da Xunta

Máis de mil veciños do barrio vigués de Lavadores asinaron unha carta dirixida ao...

O histórico Teatro Fraga de Vigo volverá á vida: case 20 millóns de euros para unha reforma que comezará en 2027

O Consello da Xunta autorizou este luns a licitación das obras de restauración do...